Rachunki firmy «Pałonika» razbłakavali, a sudovuju spravu nakiravali ŭ archiŭ
A kolki dzion tamu była spynienaja kryminalnaja sprava suprać staršyni Ivianieckaha adździeła Sajuza palakaŭ Taresy Sobal.
A kolki dzion tamu była spynienaja kryminalnaja sprava suprać staršyni Ivianieckaha adździeła Sajuza palakaŭ Taresy Sobal.
Firma «Pałonika» atrymała dakumienty z Haspadarčaha suda Hrodzienskaj vobłaści, ź jakich vynikaje, što rachunak arhanizacyi razbłakavany, vykanańnie prysudu prypynienaje, sprava pieradadziena ŭ archiŭ. Pra heta paviedamiŭ aktyvist niepryznanaha ŭładami Sajuza palakaŭ u Biełarusi, hrodzienski žurnalist Andrej Pačobut. Pa jaho infarmacyi, takija ž dakumienty nakiravanyja ŭ hrodzienskaje adździaleńnie «Bielinviestbanka», dzie raźmieščany rachunak firmy. Dakumienty supravadžajuca paznakaj «dla terminovaha vykanańnia».
Andrej Pačobut pierakanany, što heta pałavinčataja miera, bo abvinavačvańni z kiraŭnictva firmy nie źniatyja. Tym nie mienš, jon ličyć hety krok pazityŭnym. «Zaŭtra pačynajecca navučalny hod u škole, jakuju padtrymlivaje firma». Pačobut nahadvaje, što heta nie pieršy revierans u bok apalnaha SPB — kolki dzion tamu była prypyniena kryminalnaja sprava suprać staršyni Ivianieckaha adździeła Sajuza palakaŭ Teresy Sobal.
Žurnalist miarkuje, što apošnija padziei vakoł SPB źviazanyja z padvyšeńniem napružanaści ŭ adnosinach z Rasijaj. «U takoj situacyi Łukašenka sprabuje spadabacca Zachadu». Andrej Pačobut pierakanany, što ŭ spravie «Pałoniki» i pieraśledu aktyvistaŭ sajuzu rana stavić kropku. «Pačynajučy z 2005 h. našu arhanizacyju pieraśledujuć vyklučna pa palityčnych matyvach. Dziejańni ŭładaŭ u dačynieńni da nas hruntujucca nie na nacyjanalnym zakanadaŭstvie, a vyklučna ŭ zaležnaści ad palityčnaj kanjunktury».
Nahadajem, što ŭ lutym 2010 firmu, jakuju ŭznačalvaje Anžalika Borys, abvinavacili ŭ niapravilnym vykarystańni srodkaŭ, atrymanych ad polskaj arhanizacyi «Wspólnota Polska», jakaja zajmajecca dapamohaj suajčyńnikam va ŭsim śviecie. Razhlad sudovaj spravy zaniaŭ mienš za paŭhadziny. U vyniku «Pałoniku» aštrafavali na 71 miljon rubloŭ.
Kamientary