Vajna paśla partyzanki
Akupanty zabivajuć chłopca za havorku na rodnaj movie, ździekujucca z žančynaŭ, rabujuć. Mužčyny biaruć u ruki zbroju — i sychodziać u partyzany.
Akupanty zabivajuć chłopca za havorku na rodnaj movie, ździekujucca z žančynaŭ, rabujuć. Mužčyny biaruć u ruki zbroju — i sychodziać u partyzany.
Heta Irlandyja, los jakoj šmatkroć paraŭnoŭvali ź losam Biełarusi.
20-ja hady minułaha vieku. Nacyjanalna-vyzvolnaja baraćba.
Hieroj karciny Demijen (Kilijan Merfi) źbiraŭsia zrabić karjeru lekara ŭ Anhielščynie, ale dałučyŭsia da svajho brata-paŭstanca. Lohika vajny prymušaje hladzieć skroź pryceł — i nieŭzabavie brat stralaćmie ŭ brata.
Karcina nasyčanaja irlandzkim nacyjanalnym koleram — zialonym, kadry patanajuć u tumanie, ale režyser stužki daloki da symbalizmu j mistyki.
“Praletar” Jaje Vialikaści Kien Łoŭč padrabiazna pakazvaje sacyjalnyja čyńniki vyzvalenčaha zmahańnia: biednaść i abrazy, baraćbu roznych kirunkaŭ za novaje pryšłaje — i klasavuju rasstanoŭku siłaŭ. Jon nie škaduje farbaŭ, kab pakazać anhielskich akupantaŭ źviarami, jakija vyryvajuć u irlandcaŭ paznohci (chacia režyser i nie vučyŭsia pa partyzanskich biełaruskich karcinach).
Ale dla režysera važny čyńnik humannaści. Kali zaciataja baraćba pierachodzić u źmiarćviełaść serca, kali pierakročvajecca miaža? Hieroj Kilijana Merfi pierakročvaje hetuju miažu, kali zabivaje svajho siabra, amal dzicia, jaki zabłytaŭsia i vydaŭ svaich tavaryšaŭ.
Anhielec Łoŭč nie chavaje sympatyjaŭ da irlandzkich paŭstancaŭ, ale nazyvaje j košt — i nikoli nie zabyvaje, što pa toj bok barykadaŭ — brat. Dla partyzanskaha biełaruskaha kino hetaja ideja hučyć usio jašče nie banalna.
Karcina ŭznaharodžanaja ŭ Kanach, chacia zbolšaha heta acenka tvorčaści Kiena Łoŭča naahuł; niadaŭna film pryviačali j na “Listapadzie”.
Seansy ŭ Miensku: “Dom kino” 12—17 śniežnia a 19.00.
Viecier, jaki hajdaje vieras (The Wind That Shakes the Barley).
Irlandyja—Vialikabrytanija—Francyja, 2006, kalarovy, 124 chv.
Režyser: Kien Łoŭč.
Roli vykonvajuć: Kilijan Merfi, Łajam Kaninhiem, Pedrejk Dełani.
Žanr: partyzanskaja drama.
Adznaka: 7,5 (z 10)
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary