23 červienia pamior historyk Viktar Ciemušaŭ. Jamu było tolki 36. Pryčyna — rak.
Pra toje, što ŭ jaho apošniaja stadyja hetaj chvaroby, Viktar paviedamiŭ ŭ kancy 2010 hoda na svaim sajcie ŭ Interniecie.
Viktar Ciemušaŭ naradziŭsia 4 sakavika 1975 h. u Babrujsku. Skončyŭ histfak BDU, pracavaŭ u Instytucie historyi NAN Biełarusi, vykładaŭ na histfaku.
Kandydat histaryčnych navuk. Zajmaŭsia historyjaj siaredniaviečča, daśledavaŭ pytańni
Treniravaŭ dzietak u «Što? Dzie? Kali?» i sam paśpiachova hulaŭ u hetuju hulniu.
U listapadzie minułaha hoda Viktar napisaŭ na svajoj staroncy:
«Tolki niadaŭna ja adčuŭ u sabie siły i patencyjał, jakija dazvolili b mnie stvarać sapraŭdy navukovyja pracy. Ja ŭvieś čas vučyŭsia, prymušaŭ siabie znoŭ i znoŭ pieračytvać svaje teksty, šukać novyja materyjały, vyvučać histaryjahrafiju. Ja staŭ vyrazna aryjentavacca ŭ svajoj prablematycy, razumieć suviazi i tendencyi. Za svaju spravu ja chvareŭ, pieražyvaŭ, kali bačyŭ chałturu i adkrytaje imknieńnie mnohich našych psieŭdanavukoŭcaŭ prykarmicca kala navukovych i navučalnych prajektaŭ. Ja dumaju, što heta i stała adnoj z pryčyn raźvićcia majoj chvaroby, jakaja mianie ŭsio bolš i bolš adolvaje.
Na žal, realnaść takaja, što mnie ŭžo nie atrymajecca ažyćciavić usie zadumanaje. Ale ja pražyŭ poŭnaje, nasyčanaje žyćcio. Rabiŭ pamyłki, nie paźbieh navat hniusoty sa svajho boku, jakija ŭspaminaju z bolem. Ale, usio ž, dumaju, što zapomniać mianie jak sumlennaha i pryncypovaha čałavieka, nieabyjakavaha da svajoj spravy, zaŭsiody hatovy dapamahčy svaim kaleham. Žyć vielmi cikava, ja daŭno zabyŭsia, što takoje nuda. Budu pracavać i zmahacca da kanca».
U Viktara zastałasia žonka Jula i dačka.
Viečnaja pamiać!
***
Raźvitańnie ź Viktaram Ciemušavym adbudziecca zaŭtra, u piatnicu 24 červienia.
Pavodle papiaredniaj infarmacyi, a 14.00 adbudziecca adpiavańnie pa Viktaru ŭ Raźvitalnaj zale pa adrasie Alšeŭskaha, 12 (rajon praśpiekta Puškina).
Ale infarmacyja ŭdakładniajecca!
Prykładna a 15:30 u Minskim krematoryi na Paŭnočnych mohiłkach (pasiołak Navinki) pačniecca raźvitańnie.
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia24
Kamientary