Biełaruskaje TB praciahnuła kampaniju suprać Miadźviedzieva: Kreml plunuŭ u dušu «Słavianskaha bazaru»
Krytyka znoŭ prahučała ŭ prapahandysckaj pieradačy «U centry ŭvahi».
Krytyka znoŭ prahučała ŭ prapahandysckaj pieradačy «U centry ŭvahi» ŭ niadzielu.
«Upieršyniu za 20 hadoŭ svajoj historyi fiestyval „Słavianski bazar“ apynuŭsia uciahnuty ŭ palityku, — hrymieŭ u svaim repartažy Andrej Kryvašejeŭ. — Upieršyniu haściej i ŭdzielnikaŭ multykulturnaj, ale, u pieršuju čarhu, słavianskaj źjavy nie pavinšavaŭ prezident Rasii. U fiestyvalu jość duša, kažuć jaho ŭdzielniki. Svaim hrebavańniem Kreml u hetuju dušu plunuŭ. Takoje mierkavańnie dziejačoŭ mastactva».
U sapraŭdnaści, «Bazar» byŭ uciahnuty ŭ palityku zaŭždy. Fiestyval adyhryvaŭ značnuju rolu dla łukašenkaŭskaj prapahandy. Naroŭni z «Dažynkami» i śviatkavańniami Dnia Pieramohi i 3 Lipienia, jon vykarystoŭvajecca dla demanstracyi pośpiechaŭ režymu i jaho pierajemnaści z savieckaj tradycyjaj.
Za vialikija hrošy na «Słavianski bazar» pryvoziać pieravažna zorak rasijskaj
«Naŭrad ci vypadkova, ale ihnaravańnie Kramlom najvažniejšych sajuznych dat i padziej — ad dnia pačatku Vialikaj Ajčynnaj da Viciebskaha fiestyvalu — supali z ultymatumam: ad Biełarusi patrabujuć zdać aktyvy na $ 7,5 młrd, pryčym pa svajmu rasijskamu scenary, heta značyć, chutka, cicha, tanna, i aliharcham», — zajaviła BT.Dva tydni tamu ŭ toj ža prahramie łukašenkaŭskaha telebačańnia byŭ vykazany tezis, što prezident Rasii Dźmitryj Miadźviedzieŭ nie prylacieŭ u Brest 22 červienia, bo jamu było b soramna hladzieć u vočy rasijskim vieteranam, jakija, jak było zajaŭlena, žyvuć na radzimie ŭ halečy.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała22
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5454
Kamientary