MZS Biełarusi nazvaŭ jadziernuju zbroju «najbolš racyjanalnaj mieraj nacbiaśpieki»
Na fonie abvastreńnia situacyi ŭ rehijonie biełaruski MZS tłumačyŭ svaju pazicyju zamiežnym dypłamatam.
Namieśnik ministra zamiežnych spraŭ Biełarusi Ihar Sakreta 28 maja pravioŭ bryfinh dla akredytavanych u krainie pradstaŭnikoŭ dypłamatyčnaha korpusa. U mierapryjemstvie taksama pryniaŭ udzieł pradstaŭnik Ministerstva abarony Biełarusi, paviedamili BIEŁTA ŭ pres-słužbie biełaruskaha źniešniepalityčnaha viedamstva.
Sustreča była pryśviečana dźvium temam: pravavym i faktyčnym aśpiektam niadaŭniaj sumiesnaj treniroŭki jadziernych sił Biełarusi i Rasii, a taksama reakcyi, jakuju jana vyklikała.
Namieśnik kiraŭnika MZS zajaviŭ, što sumiesnyja jadziernyja treniroŭki z Rasijaj poŭnaściu adpaviadajuć Dahavoru ab nieraspaŭsiudžańni jadziernaj zbroi, źjaŭlajucca anałaham nataŭskaj praktyki sumiesnych jadziernych misij i majuć vyklučna abarončy charaktar.
«Na fonie taho, što sukupnyja vajskovyja raschody susiednich Polščy, Litvy i Łatvii ŭžo ŭ 25 razoŭ pieravyšajuć abaronnyja asihnavańni Biełarusi, a nataŭski błok naroščvaje prysutnaść niepasredna kala biełaruskich miežaŭ, jadziernaje strymlivańnie zastajecca vymušanaj, suraźmiernaj i najbolš racyjanalnaj mieraj harantavańnia nacyjanalnaj biaśpieki, jakaja daje mahčymaść paźbiehnuć razburalnaj honki», — zajaviŭ jon dypłamatam.
Pavodle dziaržaŭnaha ahienctva, Ihar Sakreta taksama zakranuŭ aktualnyja pytańni biełaruska-jeŭrapiejskich adnosin, padrabiaznaści nie nazyvajucca.
Biełaruś, jakaja miažuje z uschodnim fłanham NATA, ciapier stała miescam bazavańnia najnoŭšych rasijskich rakietnych kompleksaŭ «Arešnik», zdolnych nieści jadziernyja naboi. Z 18 da 21 maja prajšli sumiesnyja treniroŭki jadziernych sił Biełarusi i Rasii. Dźmitryj Piaskoŭ nazvaŭ supolnyja vučeńni sihnałam Jeŭropie.
24 maja prezident Francyi Emanuel Makron pazvaniŭ Alaksandru Łukašenku. Heta pieršy viadomy telefonny kantakt palitykaŭ za bolš čym čatyry hady, jaki adbyŭsia na fonie abvastreńnia situacyi ŭ rehijonie.
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu13
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary