Piatnica sa spakusami
Pieršaje vyprabavańnie prachodzić biednaja "Naścia", abličča jakoj źmianiajecca, adpaviedna patajemnym žadańniam.
NTV, 20.45
Naścia
Rasieja, 1993, kalarovy, 89 chv.
Režyser: Hieorhi Danelija.
Žanr: Trahikamedyja pavodle kazki Alaksandra Vałodzina "Zdareńnie, jakoha nichto nie zaŭvažyŭ"
Roli vykonvajuć: Palina Kuciepava, Iryna Markava, Valer Nikałajeŭ, Jaŭhien Laonaŭ, Alaksandar Abdułaŭ, Jury Husman, Savieli Kramaraŭ, Leanid Jarmolnik, Alaksandar Adabašjan.
Niedareka Naścia žyvie z chvoraj matulaj i maryć pra ščaście. Adnojčy dobraja dziaŭčyna dapamahaje babuli, jakaja, nasamreč, źjaŭlajecca čaraŭnicaj. Ranicaj hierainia pračynajecca pryhožaj – i ciapier joj treba prajści spakusu pieknatoju, na jakuju łasyja bahaćcie j ułada.
Na pačatku 90-ych trahikamedyja "Naścia" ŭsprymałasia, jak śviežy hłytok pavietra siarod čarnušnaha śmiećcia. Ale siońnia heny film vyhladaje dziŭnym pomnikam svajoj eposie – chacia stužka j nie hublaje charakternaj dla Danelii liryčnaje ciepłyni.
Na kanale STV a 23.30 Katryn Denioŭ praciahvaje spakušać Ruperta Evereta ŭ “Niebiaśpiečnych suviaziach”. A kamu j hetaha padasca zamała, to a 00.50 staraja, ale daśviedčanaja misis Hendersan zojmiecca patryjatyčnym vychavańniem z dapamohaj erotyki (“Misis Hendersan prezentuje”).
Dla niespakušanych zastajecca Nirvana.
ANT, 00.15
Nirvana (Nirvana)
Italija – Francyja – Vialikabrytanija, 1997, kalarovy, 113 chv.
Režyser: Habryele Salvatore
Žanr: Fantastyčny kiberbajavik
Roli vykonvajuć: Krystafer Łambert, Stefanija Roka, Emanuel Senje, Dyjeha Abatantuon
U kamputarnaj hulni “Nirvana” praz pamyłku hałoŭny persanaž nabyŭ samaśviadomaść. Ciapier kamputarny persanaž maryć zrabić sabie śmierć, a prahramist nie žadaje hetaha dapuścić…
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary