Rekordny plus salda zamiežnaha handlu ŭ lipieni

Za studzień-lipień 2011 hoda zamiežnahandlovaje salda zastajecca adjemnym u pamiery 2,6 młrd dalaraŭ. Adnak heta nastupstva pravalnych pieršych miesiacaŭ. A voś u lipieni salda skłałasia rekordna plusavym — až na 380 młn dalaraŭ.

Varta adznačyć, što heta było jašče pry kursie čornaha rynku 6000–6500. Možna čakać, što ŭ žniŭni i vieraśni, kali kurs uźlacieŭ da 8000–9000 salda stanie jašče bolš plusavym. Heta aznačaje, što raŭnavažki kurs moža akazacca blizkim da lipieńskaha značeńnia: 6000.

Cikava, paśla vyzvaleńnia kursa ŭ minskich abmieńnikach nazirajecca deficyt… biełaruskich rubloŭ.

* * *

Treci dzień dadatkovaj siesii tarhoŭ na Biełaruskaj valutna-fondavaj biržy u čarhovy raz zaśviedčyŭ umacavańnie rubla. Ciapier kurs dalara składaje 8480 rubloŭ. Učora jon byŭ na ŭzroŭni 8500 rubloŭ, a ŭ pieršy dzień siesii — 8600.

Rasijski rubiel na dadatkovaj siesii — 294 rubla, a jeŭra — 12140.

Tym časam aficyjny kurs dalara składaje ŭsiaho 5375 rubloŭ, a jeŭra — 7414 rubloŭ.

* * *

Stratehija, abranaja Nacbankam, dazvalaje kantralavać kurs u zapłanavanych ramkach. Dziakujučy joj, popyt nasielnictva na valutu nielha nazvać ažyjatažnym. Dałučajučy prapahandyscki efiekt dziaržaŭnych ŚMI, ułady sprabujuć supakoić napružanuju situacyju ŭ krainie.

Adnak nizkija abjomy tarhoŭ prymušajuć zadumacca.

Śpiecyjalisty aceńvali adkładzieny popyt na valutu ŭ $2,5-3 miljarda. Viadoma ž,

davoli vysoki kurs dalara adsiejaŭ častku achvotnych, ale za pieršyja try dni jurasoby nie kupili i $40 miljonaŭ.

Što da zamiežnaha handlu, to statystyka jaho skłałasia nastupnaja.

U cełym ekspart za siem miesiacaŭ skłaŭ 24,9 młrd dołaraŭ (na 57,4% bolš, čym letaś), impart — 27,6 młrd. dalaraŭ (na 46,6% bolš). Pra heta paviedamlaje Biełstat.

U tym liku abjom źniešniaha handlu tavarami za studzień-lipień 2011 hoda skłaŭ 48,2 młrd dalaraŭ (ekspart — 21,9 młrd dalaraŭ, impart — 26,3 młrd dalaraŭ). Vartasny abjom ekspartu ŭ paraŭnańni sa studzieniem-lipieniem 2010 h. pavialičyŭsia na 65%, abo na 8,6 młrd dalaraŭ, impartu — na 50,1%, abo na 8,8 młrd dalaraŭ.

Pavieličeńnie vartasnych abjomaŭ ekspartu i impartu tavaraŭ u studzieni-lipieni abumoŭlena rostam jak siarednich cen, tak i fizičnych abjomaŭ pastavak.

Biełaruś stała pradavać bolš siedłavych ciahačoŭ (u 3,4 razu bolš, u kolkaści), hruzavych aŭtamabilaŭ (u 1,7 razu), traktaraŭ i naftapraduktaŭ (u 1,6 razu pa kožnym z tavaraŭ), nieapracavanych lesamateryjałaŭ (na 29,2%), miasa i miasnych subpraduktaŭ (na 25,9%). Adnavilisia pastaŭki na zamiežny rynak nafty.

Najbolš prykmietnaje pavyšeńnie siarednich cen ekspartu ŭ studzieni-lipieni biahučaha hoda zafiksavana na azotnyja ŭhnajeńni (u 1,9 razu), šyny (u 1,6 razu), draŭnianavałaknistyja plity (na 41,3%), kaprałaktam (na 40,4%) i naftapradukty (na 38,7%).

Pa imparcie istotna ŭzraśli zakupki naftapraduktaŭ (u 3,3 razu — z pryčyny taho, što ŭ pačatku 2010-ha ź ich pastaŭki prypynialisia), lehkavych aŭtamabilaŭ (u 2,1 razu — aŭtabum pieršaj pałovy hoda), ruchavikoŭ unutranaha zharańnia (u 1,7 razu — u suviazi z rostam vytvorčaści aŭtamabilaŭ), nafty (na 46,3%).

• 0
• 0
• 0
• 0
• 0
• 0
• 0
• 0