Biełaruskija straŭsy. Naš adkaz armianskim parsiukam.
Fotarepartaž ź vioski Kazišča, dzie pa biełaruskim śniezie biehajuć paŭdniovaafrykanskija straŭsy.
97 adsotkaŭ usich straŭsaŭ na ziamli žyvuć u niavoli. 700 ź ich — na samaj bujnoj biełaruskaj straŭsinaj fiermie ŭ Kaziščach, što pad Kobrynam.
Straŭsy — ptuški vynoślivyja. Jany vytrymlivajuć tempieraturu pavietra ad +50 da -30. Tamu ŭ našym daloka nie afrykanskim klimacie jany pačuvajuć siabie dosyć kamfortna.
Straŭsy — ravieśniki dynazaŭraŭ. U vyšyniu ich pamier składaje da 2,7 metraŭ. Važyć takaja ptuška kala centniera. Čamuści na kožnaj nazie ŭ ich tolki pa dva palcy.
Žyvuć straŭsy siemjami, samiec i dźvie-try samki. Jak praviła, adna z samak u siamji — lubimaja. Štohod kožnaja straŭsicha prynosić prykładna pa 30 jajek. Ptušania prymacavana da jajka pupavinaj, na kaziščanskaj fiermie jaje abrazajuć akušerki. Hadujuć straŭsiat vyklučna samcy.
Prastyŭšy, straŭsy kašlajuć. Spałochaŭšysia, pamirajuć ad razryvu serca.
Važyć straŭsinaje jajka kala pałutara kilahramaŭ. Zatoje mozh ptuški važyć usiaho 40 hramaŭ (heta mieńš čym straŭsinaje voka).
Straŭsy chapajuć kluvami ŭsio, što bliščyć — huziki, zavušnicy i abjektyvy fotaaparataŭ.
P.S. Toje, što straŭsy chavajuć ad strachu hałavu ŭ piasok — niapraŭda. Ad niebiaśpieki jany ratujucca ŭciokami — krokami pa 3-4 metry jany raźvivajuć chutkaść da 70 km u hadzinu.
Kamientary