Hienprakuror: Jamu nahadvali dvojčy, i dvojčy jon admoviŭsia skarystacca hetym pravam.
Pra heta 27 studzienia paviedamiŭ žurnalistam hienieralny prakuror Biełarusi Alaksandr Kaniuk.
Jak śćviardžaje hienprakuror, pra toje, što mahčyma napisańnie prašeńnia ab pamiłavańni na imia prezidenta, Kanavałavu nahadvali dvojčy, i dvojčy jon admoviŭsia skarystacca hetym pravam.
Kaniuk nahadaŭ, što druhi asudžany pa hetaj spravie za saŭdzieł u teraryźmie Uładzisłaŭ Kavaloŭ, taksama pryhavorany da śmiarotnaj kary, prašeńnie ab pamiłavańni padaŭ 7 śniežnia.Zaklučeńnie Hienprakuratury pa jaho prašeńni ŭžo padrychtavana, najbližejšym časam dakumienty buduć pieradadzieny ŭ kamisiju pa pamiłavańni pry prezidencie.
Data pasiadžeńnia kamisii pa spravie Kanavałava i Kavalova pakul nieviadomaja, skazaŭ Kaniuk, jaki ŭvachodzić u skład hetaj kamisii.
U vyniku vybuchu na stancyi mietro «Kastryčnickaja», nahadajem, zahinuli 15 čałaviek, bolš za 160 atrymali traŭmy, u tym liku ciažkija.
Pryhavor, vyniesieny Kanavałavu i Kavalovu Viarchoŭny sudom Biełarusi 30 listapada, vyklikaŭ nieadnaznačnuju reakcyju ŭ hramadstvie i čarhovy raz pryciahnuŭ uvahu da prablemy śmiarotnaj kary. Biełaruś — adzinaja ŭ Jeŭropie kraina, dzie dahetul prymianiajecca takaja miera pakarańnia.
-
Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
-
Biełarusbank uvodzić kamisiju za pryjom najaŭnych u rasijskich rublach
-
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty9
Kamientary