Siońnia ŭ adstaŭku byŭ adpraŭleny Anatol Kulašoŭ.
1. Nie ź Biełarusi
Kiraŭnik Biełarusi praciahvaju palityku, kali na klučavyja siłavyja pasady pryznačajucca nie ŭradžency Biełarusi, a sumiežnych dziaržavaŭ.
Ihar Šunievič naradziŭsia ŭ Łuhanskaj vobłaści, to bok kandydatam na pasadu prezidenta pa zakanadaŭstvie jon być nie moža,jak i supiernikam. Eks-ministr Kulašoŭ naradziŭsia ŭ Azierbajdžanie, a jahony papiarednik Uładzimir Navumaŭ — u Smalenskaj vobłaści.
Va Ukrainie pryjšli na śviet ciapierašni i papiaredni staršyni KDB Vadzim Zajcaŭ i Jury Žadobin (siońnia — ministr abarony). Z Rasii kiraŭnik łukašenkaŭskaj słužby biaśpieki Andrej Uciuryn. Uručanskim śpiecnazam kamanduje Chazałbiek Atabiekaŭ. Navat ministram MNS pryznačajuć uradženca Respubliki Komi Uładzimira Vaščanku, da hetaha byŭ ziamlak Kulašova Envier Baryjeŭ. Na Šunieviču hetaja tendencyja praciahnułasia.
2. Svoj dla KDB ci MUS?
Šunievič pačynaŭ svaju karjeru ŭ orhanach MUS. Skončyŭ milicejskuju akademiju. Słužyŭ na roznych pasadach u orhanach MUS. U 2007 byŭ namieśnikam načalnika UUS Minskaha abłvykankama. Potym pryznačany ŭ KDB, dzie ŭznačalvaŭ śledčaje ŭpraŭleńnie, a zatym hałoŭnaje ŭpraŭleńnie pa kontrvyviedačnamu zabieśpiačeńniu pravaachoŭnych i kantralujučych orhanaŭ, baraćbie z karupcyjaj i arhanizavanaj złačynnaściu.
Jak čałaviek dla jakoha abodva viedamstvy nie čužyja,
Šunievič kazaŭ, što nie isnuje nijakaj vajny pamiž MUS i KDB.«Takoha fakta nie isnuje, a ŭsie razmovy — intryhi», — kazaŭ Šunievič. Darečy, i
jaho pierachod adbyvaŭsia ŭ samy razhar kanfliktaŭ miž siłavikami, napiaredadni razhortvańnia «palaŭničaj spravy».
U KDB Šunievič prajaviŭ siabie dobra. Jaho adznačaŭ staršynia kamiteta Zajcaŭ. Šunieviča navat nazyvali davieranaj asobaj Zajcava. Praŭda, praź niejki čas źjaŭlałasia infarmacyja pra aryšt za chabar namieśnika Šunieviča, ale paćvierdžańnia jana nie atrymała.
3. «Hutaryŭ» z palitviaźniamiNieadnarazova kazali, što ŭ svajoj pracy Šunievič kantralavaŭ unutranuju turmu KDB «Amierykanku». Peŭnyja paćvierdžańni znajšlisia niadaŭna. Voś, naprykład, što zhadvaje pra svajo znachodžańnie ŭ viaźnicy redaktarka
«Ihara Šunieviča ja ŭbačyła ŭpieršyniu ŭ siaredzinie studzienia ŭ turmie KDB. Mianie vyklikali da jaho na dopyt ŭžo paśla adboju ŭ 22.00. Farmalna heta byŭ nie dopyt, a «razmova», bo prachodziła jana biez advakata. Takich «hutarak» u turmie KDB było šmat, u adroźnieńnie ad realnych dopytaŭ z advakatami. Advakataŭ u turmu KDB nie puskali, i nas presavali voś na takich «viačorkach».
Šunievič adrazu zajaviŭ, što nie skaža, ź jakoha jon viedamstva, i vielmi nastojliva prasiŭ nikomu nie raspaviadać ab našaj ź im «hutarcy». Dopyt jon pravodziŭ nie ŭ śpiecyjalnym pakoi pry SIZA, a ŭ kabiniecie načalnika turmy. Šunievič adrazu zajaviŭ, što «ŭžo vierbavać jon mianie dakładna nie źbirajecca». I naahuł, adznačyŭ jon, nie praca sajta charter97.org cikavić śledčych KDB, a jaho cikaviać «značna bolš surjoznyja rečy». Cikavili jaho zusim niejmaviernyja rečy: suviazi kandydataŭ u prezidenty z Polščaj, Hiermanijaj i susiednimi Rasiejaj i Ukrainaj. Dapytvajučy mianie, Šunievič skazaŭ, što ŭžo «hutaryŭ» z Andrejem Sańnikavym i Irynaj Chalip».
4. Ministr praz čatyry miesiacy«Ja dumaju, što vaš dośvied, jaki vy nabyli ŭ KDB, vielmi karysny, ale naohuł vy — prafiesijny śpiecyjalist Ministerstva ŭnutranych spraŭ, vy słužyli na ŭsich pasadach u MUS, viedajecie jaho znutry, dobra viedajecie vynik — heta taksama dla nas vielmi važna. Ale samaje hałoŭnaje — praca ŭ KDB (a ŭ apošni čas vy jak raz zajmalisia kantrolem pracy pravaachoŭnych orhanaŭ) dała vam mahčymaść ubačyć znutry ŭsie prablemy Ministerstva ŭnutranych spraŭ», — skazaŭ Łukašenka, pryznačajučy Šunieviča ŭ studzieni pieršym namieśnikam ministra ŭnutranych spravaŭ. Kab zaniać kresła Kulašova Šunieviču spatrebiłasia čatyry miesiacy pracy.
«Šunievič byŭ niadrennym prafiesijanałam, kali ŭznačalvaŭ śledčaje ŭpraŭleńnie KDB. Byŭ prafiesijanał i niadrenny načalnik. Jak tolki patrapiŭ u palityčnuju sistemu, u „abojmu“ — adrazu pačaŭ vykonvać palityčny zakaz. Palityčny zakaz pa Bajkovaj, pa „palaŭničych“. Tamu ja pierakanany: Šunieviča čakaje takaja ž „pierśpiektyva“, jak Południa i Piakarskaha», — ličyć były supracoŭnik KDB Valer Kostka.
5. Reforma ŭ MUSŹviartajučysia da naroda i parłamienta ŭ aŭtorak, Łukašenka adznačyŭ, što sioleta budzie skončanaja reforma MUS. Peŭnyja rečy ŭžo byli zroblenyja, kali z roznych siłavych viedamstvaŭ adździaliŭsia i zažyŭ paŭnavartasna Śledčy kamitet. Vidać, budučyja pieraŭtvareńni lahuć na plečy Šunieviča.
Jon pryjšoŭ u MUS nie ŭ samy lepšy čas dla ministerstva. Aryštavany pa abvinavačańni ŭ pieravyšeńni słužbovych paŭnamoctvaŭ namieśnik ministra Jaŭhien Połudzień, za «dyskredytujučy» ŭčynak zvolnieny pieršy namieśnik Aleh Piakarski. Vidavočna, što na nastupnaj sustrečy z Šunievičam Łukašenka budzie kazać, što jamu nieabchodna viarnuć stanoŭčy imidž i davier da milicyi. Zadača, prosta skažam, nie ź lohkich.
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
-
«Dyk što vam jašče treba, šanoŭnyja kiraŭniki EHU?» Sieviaryniec zaklikaŭ biełarusizavać univiersitet, pakul nie pozna
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ11
Kamientary