Stan biełaruskaj ekanomiki taksama zaležyć ad vybaraŭ u Hrecyi
Jeŭra vahajecca razam z papularnaściu hrečaskaj pravaj partyi.
Kurs jeŭra adnosna dalara pavysiŭsia paśla padzieńnia na samy nizki ź lipienia 2010 hoda ŭzrovień — 1,26 dalara. Adnak dalejšyja pavodziny valuty nie pradkaža nichto.
Rost jeŭrapiejskaj valuty źviazany z vynikami sacyjałahičnych apytańniaŭ ŭ Hrecyi, jakija pakazvajuć, što partyi, jakija vystupajuć za zaklučeńnie kredytnych pahadnieńniaŭ ź ES i MVF, stanoviacca ŭsio bolš papularnymi siarod nasielnictva. Pra heta paviedamlaje Bloomberg.
Kurs dalara da jeŭra ŭpaŭ ŭpieršyniu za piać dzion.
«Heta nievialikaja pieradyška dla jeŭra. Nie było nijakich pazityŭnych navin, akramia dadzienych apytańniaŭ.Heta staŭka na
Pa vynikach apytańniaŭ hramadskaj dumki ŭ Hrecyi lidziruje partyja «Novaja demakratyja», jakaja vystupaje za pryniaćcie finansavaj dapamohi ad jeŭrapiejskich dziaržaŭ (25% hałasoŭ). Na druhim miescy krajniaja levaja partyja SIRYZA, jakaja kateharyčna suprać kredytnych pahadnieńniaŭ ź ES i MVF (22% hałasoŭ).
Za dziesiacihodździe jeŭra ŭ cełym istotna, na 40%, vyrasła suprać dalara za košt dynamičnaha raźvićcia jeŭrapiejskaj ekanomiki.
Mahčymy vychad Hrecyi ź jeŭrazony stavić Jeŭropy pierad raniej nie źviedanymi finansavymi vyklikami. U doŭhaterminovym płanie chirurhičnaje adsiačeńnie chvoraj hrečaskaj ekanomiki moža dać navat karyść. Adnak
nichto nie moža pradkazać imhniennyja straty ad defołtu Hrecyi. Jon napeŭna vykliča efiekt damino, udaryć pa stabilnaści bankaŭ, jakija mieli ŭ Hrecyi aktyvy, vykliča paniku na biržach i siarod układčykaŭ.U najnoŭšaj historyi jašče nie było anałahu takoj situacyi.
Jeŭra stała mienš papularnym srodkam układańnia kapitału va ŭsim śviecie. U tym liku i ŭ Biełarusi pryvatniki na šerych rynkach šmat dzie pierastali prymać apłatu ŭ jeŭraadzinkach.
Budučynia biełaruskaj ekanomiki taksama zaležyć ad losu vybaraŭ u Hrecyi.
Ekspartnyja dachody Biełarusi całkam zaležać ad cenaŭ na naftu. Miž tym košty syraviny ŭ vypadku ekanamičnaha kryzisu ŭ ES rezka ŭpaduć.
Kamientary