U Minsku — premjera muzyčnaj kampazicyi pavodle «Porhi i Bies»
Pry padtrymcy pasolstva ZŠA.
U Biełaruskaj dziaržaŭnaj fiłarmonii 29 červienia pry padtrymcy pasolstva ZŠA adbudziecca premjera muzyčnaj kampazicyi pavodle opiery Džordža Hieršvina «Porhi i Bies», paviedamiŭ mastacki kiraŭnik Biełdziaržfiłarmonii Juryj Hildziuk na
Pavodle jaho słoŭ, heta ŭnikalnaja padzieja ŭ kulturnym žyćci Biełarusi, opiera źjaŭlajecca biestsieleram suśvietnaj opiernaj kłasiki. «Porhi i Bies» uklučaje elemienty niehrycianskaha falkłoru i bluzavyja matyvy, vychodziačy za ramki tradycyjnych kanonaŭ žanru opiery. Miełodyi i aryi z «Porhi i Bies» i siońnia vielmi papularnyja, adznačyŭ Hildziuk.
Muzyčnyja kampazicyi ŭ Minsku prahučać u kancertnym vykanańni słavutych salistaŭ z ZŠA Majkła Redynha i Kiearścin Pajpier Braŭn. U kancercie taksama voźmuć udzieł Dziaržaŭny akademičny simfaničny arkiestr Biełarusi pad kiraŭnictvam Alaksandra Anisimava, chor Biełaruskaj dziaržaŭnaj akademii muzyki pad kiraŭnictvam Inesy Badziaki, biełaruskija i rasijskija śpievaki.
Časovy pavierany ŭ spravach ZŠA ŭ Biełarusi Majkł Skenłan padkreśliŭ, što «Porhi i Bies» adlustroŭvaje ŭsiu raznastajnaść Złučanych Štataŭ, źjaŭlajecca adnym z samych važnych tvoraŭ amierykanskaj kultury. Skenłan skazaŭ, što pasolstva było rada padtrymać pastanoŭku i sadziejničać pryjezdu dvuch amierykanskich akcioraŭ u Biełaruś.
Kiearścin Pajpier Braŭn adznačyła, što vykonvała rolu Bies u roznych krainach i rada apynucca na scenie ŭ Biełarusi. Jaje partnior Majkł Redynh paviedamiŭ, što čaściej śpiavaŭ partyju Porhi za miežami ZŠA, čym na radzimie. Jon taksama dadaŭ, što maryć vykanać aryju Jaŭhiena Aniehina ŭ adnajmiennaj opiery na muzyku Piatra Čajkoŭskaha.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary