Bresckaja milicyja prapanuje pavysić chutkaść na M1 da 140 km/h

UUS Bresckaha abłvykankama inicyjuje pavieličeńnie chutkasnaha režymu dla lehkavoha transpartu na asobnych učastkach trasy M1 da 140 km / hadzinu. Ab hetym paviedamiŭ načalnik UUS Bresckaha abłvykankama Uładzimir Syčeŭski, pieradaje karespandent BIEŁTA.

Z adpaviednym chadajnictvam UUS Bresckaha abłvykankama źviarnułasia ŭ MUS. Pavodle słoŭ Uładzimira Syčeŭskaha, pierad tym jak vystupić z hetaj inicyjatyvaj, pytańnie było vyvučana ŭ rehijonie. Razhladalisia šmatlikija zvaroty ludziej, jakim pa rodzie svajoj dziejnaści davodzicca šmat jeździć, analizavałasia darožnaja situacyja.

«Analiz avaryjnaści na trasie M1/Je30 pakazvaje, što asnoŭnaj pryčynaj hibieli ludziej źjaŭlajecca nie chutkasny režym. Kiroŭcy ŭ svajoj bolšaści ŭsio ž taki vybirajuć chutkaść u adpaviednaści z dośviedam, ŭmovami nadvorja. Bolšaj prablemaj źjaŭlajecca toje, kali vadzicieli zasynajuć za rulom. I takija vypadki, uličvajučy mižnarodnaje značeńnie trasy, tut nie redkaść», — adznačyŭ Uładzimir Syčeŭski.

«Što tyčycca darožnaha pałatna, to pa jakaści trasa M1 nie sastupaje jeŭrapiejskim aŭtabanach. Adnak heta ŭsio ž nie aŭtaban: da trasy prylahajuć nasielenyja punkty, nie ŭ poŭnaj miery adpaviadajuć kryteram aŭtabanaŭ transpartnyja raźviazki. Tamu razmova nie idzie ab pavyšeńni chutkasnaha režymu na ŭsioj praciahłaści, a ab asobnych jaje učastkach, dzie siońnia maksimalnaja chutkaść ruchu lehkavoha transpartu abmiažoŭvajecca 120 km/h», — rastłumačyŭ Uładzimir Syčeŭski.

Što tyčycca vadzicielaŭ, to stymułam nie pieravyšać chutkasny režym dla ich pavinny słužyć ustanoŭlenyja na trasie videafiksataraŭ chutkaści. I infarmacyja pra heta pavinna być dastupnaj dla kiroŭcaŭ, ličać va UUS.

Pavodle słovaŭ Syčeŭskaha, va UUS bačać nieabchodnaść źmianiać farmat pracy na trasie M1 supracoŭnikaŭ DAI, robiačy bolšy akcent na prafiłaktycy DTZ. «Užo siońnia svaje patruli my nablizili da miescaŭ adpačynku aŭtamabilistaŭ. Nacelvajem našych inśpiektaraŭ na toje, kab jany karektna cikavilisia ŭ kiroŭcaŭ, jak doŭha jany ŭ šlachu, rekamiendavali adpačynak, i, kali heta nie prypynak dla snu, to, pa mienšaj miery, prypynak dla taho, kab trochi prahulacca, vypić čaju ci kavy», — adznačyŭ jon.

Trasu Bieraście-Orša, jakaja ŭvachodzić u mižnarodnuju aŭtamahistral M1, zbudavali pierad maskoŭskaj Alimpijadaj. Za časoŭ niezaležnaści jaje abnavili i razbudavali na asobnych adrezkach, u tym liku dziakujučy jeŭrapiejskim kredytam.

Prapanova bieraściejcaŭ sprečnaja. Z adnaho boku, trasa Bieraście-Orša sapraŭdy jakasnaja i redka kali pierahružanaja. Z druhoha boku, u adroźnieńnie ad aŭtabanaŭ jana nie abharodžanaja. A čym bolšaja chutkaść, tym bolšaja imaviernaść śmiarotnaha vyniku pry luboj avaryi.

• 0
• 0
• 0
• 0
• 0
• 0
• 0
• 0