Andrej Rasinski. Kadry

«Maci ŭrahanu», «Apošni imperatar», «Žyćcio, jak śmiarotnaja chvaroba»

Ekranizacyja Karatkieviča, histaryčnaja drama Bernarda Bertalučy i katalickaja stužka Kšyštafa Zanusi.

TV, 17 krasavika, aŭtorak

Maci ŭrahanu

Apošni imperatar

Žyćcio, jak śmiarotnaja chvaroba, što pieradajecca połavym šlacham

BT, 12.35

Maci ŭrahanu

Biełaruś – Čechija, 1990, kalarovy, 101 chv.

Režyser: Jury Maruchin

Roli vykonvajuć: Alaksandar Hamaniuk, Ludmiła Palakova, Hienadź Harbuk, Alaksandar Filipienka, Taciana Marchiel, Uładzimier Mišančuk, Hienadź Aŭsianikaŭ

Žanr: Histaryčnaja drama pavodle adnajmiennaj pjesy Ŭładzimiera Karatkieviča

Adznaka: 4,5 (z 10)

18 stahodździe. Paŭstańnie pad kiraŭnictvam Vasila Vaščyły. Kniaź Hieranim Radzivił sprabuje zdušyć bunt.

Chacia kinastudyi brakavała srodkaŭ, kab pastavić paŭnavartasny histaryčny film, režyser Jury Maruchin znajšoŭ vynachodlivyja aperatarskija rašeńni (Maruchin sam aperatar). Natoŭp z ahienčykami ŭ ciemry, rezkija rakursy, aśvietlenyja tvary. Vyjaŭlenčy bok karciny pieravažaje nad dramaturhijaj i aktorskaj hulnioj, ale ŭ filmie jość i cikavyja vykanaŭčyja pracy.

Hienadź Harbuk vielmi niečakany ŭ roli Vasila Vaščyły.

ANT, 17.30

Apošni imperatar (The Lasdt Emperor)

Vialikabrytanija – Italija – KNR, 1986, kalarovy, 166 chv.

Režyser: Bernarda Bertalučy

Roli vykonvajuć: Džon Łoun, Džoan Čeń, Piter O'Tuł, In Ruačen, Viktar Von, Denis Dziuń, Ruičy Sakamota

Žanr: Filazofskaja histaryčnaja drama

Adznaka: 10 (z 10)

Dzieviać «Oskaraŭ», u tym liku za pracu mastakoŭ, kaściumy, aperatarskaje majsterstva; premija «Sezar» za lepšy zamiežny film.

Va ŭzroście troch hadoŭ Pu I byŭ adabrany ŭ maci ŭ Zabaronieny horad i karanavany na kitajskaha imperatara. Šče praz try hady Kitaj byŭ abvieščany respublikaj, a kali były imperatar pastaleŭ, respublikanskija vojski zaniali Zabaronieny horad. U 1931 hodzie japoncy pryznačyli Pu I kiraŭnikom maryjanetkavaj dziaržavy Mančžuho, a paśla zaviaršeńnia vajny, suajčyńniki pasadzili ŭ turmu, jak dziaržaŭnaha złačyncu. Vyjšaŭšy na volu, Pu I stanie sadoŭnikam i pamre ŭ 1967 hodzie.

Kim źjaŭlajecca čałaviek – tvorcam historyi ci jejnaj piasčynkaj? Svabodnym – ci viaźniem?

Karanavany hieroj stužki Bertalučy – viazień ź dziacinstva; turemny pobyt mantažujecca z cyrymonijami Zabaronienaha horadu, a imperatar – źniavoleny va ŭłasnym pałacy. Ale, nasupierak abstavinam, čałaviek imkniecca da voli – i ŭ redkija chvili znachodzić jaje…

Ašałamlalnaja histaryčnaja raskoša, malimonnyja rytuały – i trahičnyja pakuty maleńkaha čałavieka na najvyšejšaj pasadzie.

Ład, 21.50

Žyćcio, jak śmiarotnaja chvaroba, što pieradajecca połavym šlacham (Zycie jako smiertelna choroba przenoszona droga plciowa)

Polšča, 2000, kalarovy, 99 chv.

Režyser: Kšyštaf Zanusi

Roli vykonvajuć: Źbihnieŭ Zapanieŭski, Krystyna Janda, Tadevuš Bradecki

Žanr: Drama

Adznaka: 6,5 (z 10)

Hałoŭny pryz na Maskoŭskim mižnarodnym kinafeście.

Lekar Tomaš padčas zdymak pra filmu pra śviatoha Bernarda zadajecca pytańniem, jak čałaviek rychtujecca da śmierci. Ale nieŭzabavie ciažkaja chvaroba prymusić jaho samoha davać na heta adkaz.

Zasiarodžanaja drama z maralnymi zhryzotami, ciažkim unutranym vybaram… i Carstvam Niabiosnym naprykancy.

Usie filmy

Kamientary

Ciapier čytajuć

Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska

Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska

Usie naviny →
Usie naviny

Čym viadomy Chasiejn Sałami — kamandujučy, jaki zahinuŭ padčas izrailskaha ŭdaru7

U 2024 hodzie Polšča vydała biełarusam na 41% mienš pieršych DNŽ i doŭhaterminovych viz 6

Praź niekalki tydniaŭ paśla sutak u IČU pamierła 66-hadovaja žančyna z ankałohijaj. Jaje zatrymali pa viartańni ŭ Biełaruś10

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna16

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

bolš čytanych navin
bolš łajkanych navin

Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska

Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska

Hałoŭnaje
Usie naviny →

Zaŭvaha:

 

 

 

 

Zakryć Paviedamić