Ściapan Sucharenka: Na Dzień čekista čakajcie pieršych spravaŭ
2 śniežnia «papraŭki Sucharenki» ŭ Kryminalny kodeks pryniali ŭ pałacie pradstaŭnikoŭ u druhim čytańni. Sesija vierchniaj pałaty parlamentu musić zaćvierdzić zakonaprajekt 8 śniežnia. Prezydent padpiša 12 śniežnia. 20 śniežnia (u Dzień čekista) zakonaprajekt ustupić u siłu.
2 śniežnia «papraŭki Sucharenki» ŭ Kryminalny kodeks pryniali ŭ pałacie pradstaŭnikoŭ u druhim čytańni. Sesija vierchniaj pałaty parlamentu musić zaćvierdzić zakonaprajekt 8 śniežnia. Prezydent padpiša 12 śniežnia. 20 śniežnia (u Dzień čekista) zakonaprajekt ustupić u siłu.
Sa słovaŭ staršyni KDB: «Zakonaprajekt napraŭleny na niedapuščeńnie takich padziejaŭ, što mieli miesca va Ŭkrainie, Hruzii». U hetych krainach u 2003—2004 hadach u adkaz na vybarčyja falsyfikacyi ludzi vyjšli na vulicy.
Paśla pryniaćcia zakonaprajektu sp.Sucharenka prakamentavaŭ jaho hetak: «Niekatoryja artykuły zakonaprajektu nakiravanyja na kankretnych personaŭ. Chutka vy sami daviedajeciesia. Pieršych pracesaŭ možacie čakać užo na Dzień čekista. U KDB jość dokazy. U nas užo ad 2 da 3 tysiačaŭ maładych ludziej trapili ŭ sietki, rasstaŭlenyja našymi vorahami dla destabilizacyi sytuacyi ŭ Biełarusi». S.Sucharenka paabiacaŭ, što «zvarotnaj siły zakon mieć nia budzie...». Jakija pracesy mohuć pačacca ŭ dzień ustupleńnia papravak u siłu, jon nie ŭdakładniŭ.
Žurnalistka Iryna Chalip, jakuju nia raz sprabavali začapić za «dyskredytacyju» roznych vysokich asobaŭ, ličyć, što 20 śniežnia ničoha nia źmienicca: «Jak sadžali žurnalistaŭ i palitykaŭ biaz hetaha zakonu, tak i buduć sadžać. Chočuć nas zapałochać, dyk nia vyjdzie. Byŭ by čałaviek, artykuł znojduć. Znajšli ž dla Maryniča «avałodańnie čužoj majomaściu». Ja dumaju, što hety zakon napraŭleny jakraz suprać siońniašnich čynoŭnikaŭ i deputataŭ, jon ich i prychłopnie. Nichto ž bolej nie dyskredytuje Respubliki Biełarusi, čymści jany sami. Tak što kali pryjdzie demakratyčnaja ŭłada, prapanuju ŭsich hetych čynoŭnikaŭ pasadzić za dyskredytacyju Biełarusi, a potym hety zakon admianić».
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami7
Kamientary