Пагрозы эпідэміялагічнай сітуацыі ў Беларусі ў сувязі з успышкай ліхаманкі Эбола ў Заходняй Афрыцы не назіраецца, заявіла БелТА намеснік начальніка аддзела гігіены, эпідэміялогіі і прафілактыкі Міністэрства аховы здароўя Беларусі Іна Карабан.
Пачынаючы з сакавіка бягучага года Міністэрства аховы здароўя праводзіць комплекс мер для папярэджання завозу і распаўсюджвання ліхаманкі Эбола на тэрыторыі краіны.
На дзяржмяжы вядзецца санітарна-каранцінны кантроль асоб з выкарыстаннем прылад для дыстанцыйнай тэрмаметрыі (цеплавізараў).
Пры выяўленні ў чалавека высокай тэмпературы яго ізалююць для правядзення далейшых мерапрыемстваў.
Таксама спецыялісты апытваюць асоб, якія перасякаюць мяжу, аб стане здароўя, звяртаючы ўвагу на наяўнасць такіх скаргаў, як высокая тэмпература, боль галавы і цягліц, слабасць, кашаль, дыхавіца, боль у грудзях, крывацёкі, а таксама знаходжанне на неспрыяльных наконт ліхаманкі Эбола тэрыторыях (Гвінеі, Ліберыі, Сьера-Леонэ і інш.).
Акрамя таго, забяспечаная гатоўнасцю медыцынскай службы аэрапорта да арганізацыі супрацьэпідэмічных мерапрыемстваў.
Аналагічныя меры ажыццяўляюцца і ў Расіі, заявіла кіраўнік Расспажыўнагляду Ганна Папова.
Першая ўспышка ліхаманкі Эбола была зарэгістраваная ў Афрыцы ў 1976 годзе. Тады лятальнасць ў выніку гэтага захворвання склала 72%.
Захворванне было выяўлена на беразе ракі Эбола (адсюль назва) у Заіры (цяпер — Дэмакратычная рэспубліка Конга).
Успышка ліхаманкі, якая адзначаецца зараз, адбылася ў Заходняй Афрыцы і ўпершыню закранула гарадское насельніцтва. Смяротнасць у выпадку захворвання складае ад 60% да 90%. Інкубацыйны перыяд доўжыцца 21 дзень.
На карце — выяўленыя выпадкі захворвання ліхаманкай Эбола ў Европе.
Інфекцыя перадаецца праз кроў, вадкасці арганізма і тканіны інфіцыраваных жывёл або людзей.
У чалавека, які заразіў вірусам Эбола, часта з'яўляюцца ліхаманка, моцная слабасць, боль цягліц і галаўны боль, млоснасць і болі ў горле. Потым — ваніты, дыярэя, парушэнне функцый нырак і печані і, у некаторых выпадках, унутраны і вонкавы крывацёк.
Вакцына ад хваробы Эбола пакуль не створана.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары