Беларускі партал TUT.BY, Галерэя TUT.BY і Беларускі дзяржаўны ўніверсітэт абвяшчаюць аб старце працы моўнага клуба «МоваTUT». Ён закліканы стаць прастораю для свабоднай камунікацыі па-беларуску, незалежна ад узроўня валодання моваю на момант далучэння. Уся камунікацыя будзе заснаваная на мастацтве.
У працяг прэзентацыі выставы Адама Глобуса «Мінск - Вільня: мастацкі маршрут Адама Глобуса» усе ахвотныя змогуць абмеркаваць творы мастака, задаць яму пытанні і атрымаць моўныя веды ад выкладчыка філалагічнага факультэта БДУ.
Канцэпцыя вывучэння мовы ў клубе «МоваTUT» палягае на засваенні слоўнага масіва праз творы мастацтва, яго практычнага засваення праз камунікацыю з аднаклубнікамі, мастакамі, пісьменнікамі, гісторыкамі і, канешне ж, выкладчыкамі найстарэйшага ўніверсітэта краіны.
Сустрэчы ўдзельнікаў «МоваTUT» будуць адбывацца раз на два тыдні на пляцоўцы Галерэі TUT.BY па адрасе праспект Дзяржынскага, 57, 9 паверх.
Першая — 12 лістапада, у сераду а 19-й гадзіне.
Узяць удзел можа кожны ахвотны. Больш за тое, бацькі могуць прыходзіць у «МоваTUT» з дзеткамі. Пакуль старэйшыя будуць вучыць мову праз мастацтва, дзеткі змогуць паглядзець мультфільмы, перакладзеныя на беларускую.
Для таго, каб была магчымасць ацаніць прыкладную колькасць удзельнікаў, просім ахвотных дасылаць заяўкі на адрас [email protected]. У лісце, калі ласка, пазначайце пра намер прыйсці з дзіцём.
Ахвочыя стаць валанцёрамі клуба таксама могуць заявіць пра сваё жаданне праз пазначаны вышэй электронны адрас.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа22
Каментары