Лукашэнка склікаў Раду бяспекі для абмеркавання Плана абароны Беларусі: «Паводзіны нашага ўсходняга брата не могуць не насцярожваць»
Павінны быць гарантаваны ваенная бяспека і сацыяльна-палітычная стабільнасць у грамадстве. Такую задачу паставіў Аляксандр Лукашэнка на пасяджэнні Рады Бяспекі Беларусі. Лукашэнка адзначыў, што на пасяджэнні трэба будзе разгледзець План абароны Беларусі. Ён падкрэсліў, што Беларусі неабходна развіваць і ўмацоўваць сваю абараназдольнасць.
«Усе павінны разумець, што нікому не будзе дазволена размаўляць з нашай краінай з пазіцыі сілы. Мы не гіганцкая дзяржава, не маем ядзернай зброі, але наша армія дастаткова баяздольная, каб адказаць на любую пагрозу. І не толькі армія. Увесь народ», — цытуе Лукашэнку агенцтва БелТА.
«Мы не хочам хадзіць пад бізуном і каб намі памыкалі з дня ў дзень, з гадзіны ў гадзіну. Таму мы будзем берагчы свой кавалак зямлі, сваю дзяржаўнасць і сваю незалежнасць», — падкрэсліў Лукашэнка.
«Мы ясна разумеем, што стабільнасць і бяспека краіны — гэта тое, што ў першую чаргу забяспечвае ўстойлівае развіццё дзяржавы. Мы не ставім сваёй мэтай развязаць вайну, але абавязаныя рабіць усё, што ад нас залежыць, каб гарантаваць бяспеку і сацыяльна-палітычную стабільнасць у грамадстве», — адзначыў Аляксандр Лукашэнка.
Паводле яго слоў, «калі нехта думае, што мы спецыяльна нагнятаем абстаноўку ўнутры нашага грамадства і дзяржавы, калі хто-небудзь думае, што мы спецыяльна шукаем нейкіх знешніх ворагаў, то глыбока памыляецца».
«У нас як раз такі перыяд развіцця і існавання дзяржавы, калі нам не патрэбныя ні знешнія ворагі, у выглядзе нейкага пугала, ні нейкая ўнутраная насцярожанасць, — сказаў кіраўнік дзяржавы. — Нам патрэбны мір і спакой. Толькі ў гэтай сітуацыі мы зможам дастойна развівацца і супрацьстаяць любым выклікам».
Лукашэнка дадаў, што калі ў кагосьці паўстане думка прыйсці да нас з мячом, то ён таксама павінен быць упэўнены, што ад гэтага мяча атрымае.
Аляксандр Лукашэнка не назваў ніякага патэнцыйнага праціўніка і выкрываў нарошчванне ваеннага патэнцыялу НАТА ў Цэнтральнай Еўропе, але адначасова ў часе паседжання заявіў, што «чакае яснасці ад Расеі ў дачыненні да Беларусі», перадае карэспандэнт БЕЛТА.
«Паводзіны сёння нашага ўсходняга роднага брата не можа не насцярожваць. Але мы пакуль не робім з гэтага нейкіх высноў, я ў тым ліку, да размовы з прэзідэнтам Расіі», — адзначыў Лукашэнка.
«Я хачу ўсё-такі высветліць: навошта патрэбна такая палітыка Расійскай Федэрацыі ў дачыненні да Беларусі», — дадаў Аляксандр Лукашэнка.
«Але не ўлічваць гэта, вядома ж, нельга, — адзначыў Аляксандр Лукашэнка. — Мы не драматызуем сітуацыю, яшчэ раз падкрэсліваю. Мы проста хочам яснасці».
«Мы з вамі калісьці канстатавалі, што галоўныя пагрозы для нашай краіны крыюцца ў эканоміцы, іншых якіхсьці пагрозаў, у тым ліку з боку няўрадавых арганізацый, нейкай радыкальнай апазіцыі, яшчэ чагосьці, няма і быць не можа, — сказаў Лукашэнка. — Нягледзячы на тое, што ў нас некаторыя крылы апусцілі і перасталі працаваць, народ церпіць гэтую ўладу».
Аляксандр Лукашэнка падкрэсліў, што эканоміка для любой дзяржавы — вельмі небяспечны кірунак ўдару, асабліва для экспартна арыентаванай.
Як вядома, захопу Расіяй Крыма і Данбаса папярэднічала эканамічная блакада Украіны і навязванне Кіеву нявыгадных умоваў пастаўкі энерганосьбітаў, што паставіла ўкраінскую эканоміку на мяжы краху.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары