З дапамогай аналізу так званых вялікіх звестак (Big data) амерыканскія навукоўцы даказалі: людзі больш любяць добрыя словы.
Даследаванне лінгвістаў, апублікаванае ў часопісе Proceedings of the National Academy of Sciences, дала вынік: носьбіты большасці моў планеты часцей выкарыстоўваюць добрыя словы. Пры гэтым словы пазітыўнай афарбоўкай больш разнастайныя і лягчэй вывучаюцца.
Такі чынам навукоўцы даказалі высунутую ў 1969 годзе «гіпотэзу Паліяны»: чалавек падсвядома арыентаваны на ўспрыманне і стварэнне станоўчых паведамленняў.
Гіпотэзу праверылі на мільярдах слоў ад класічнай літаратуры да газетных навін часоў Другой сусветнай вайны і сучасных твітаў. Ніякія падзеі не паўплывалі на мову крытычна: усё роўна людзі больш любяць пазітыўныя словы.
Самай пазітыўнай, як выявілася, з’яўляецца іспанская мова, а самай негатыўнай — кітайская.
Каб вызначыць, якія словы «добрыя», а якія не, навукоўцы прасілі носьбітаў мовы ацаніць па 9-бальнай шкале 10 тысяч найбольш ужываных слоў. Такім чынам была падлічаная і сярэдняя пазітыўнасць моў.
З дапамогай атрыманых вынікаў навукоўцы збіраюцца стварыць інструмент для вымярэння шчасця ў глабальных маштабах у рэальным часе. Тое можна будзе зрабіць з дапамогай сацыяльных сетак і благасферы.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Начальнік міліцыі Брагіна страляў у сваю жонку. Яна цудам выжыла9
Каментары