Муж спявачкі Жасмін арыштаваны па падазрэнні ў крадзяжы 700 мільёнаў даляраў з малдаўскіх банкаў
Вядомы ў Малдове бізнэсовец, муж расійскай спявачкі Жасмін Ілан Шор змешчаны пад хатні арышт на 30 сутак у сувязі з расследаваннем справы аб вывадзе з краіны буйной сумы грошай. Ён праходзіць па справе Banca de Economii, якую расследуе Нацыянальны антыкарупцыйны цэнтр краіны.
Перад апошнімі парламенцкімі выбарамі з краіны было выведзена 11 мільярдаў лееў (каля 700 млн даляраў). Па замове ўрада Малдавіі было праведзена расследаванне. У справаздачы міжнароднага дэтэктыўнага агенцтва Kroll фігуравала імя Шора, які займаў пасаду старшыні кіраўнічай рады Banca de Economii (былы «Ашчадны банк» краіны). У дакладзе паведамлялася аб транзакцыях ў малдаўскіх банках акцый Banca de Economii, Unibank і Banca Sociala (Сацбанк), адным з акцыянераў якіх і ёсць Шор.
Жонка Шора, спявачка Жасмін, бароніць свайго чалавека. «Мне з цяжкасцю верыцца ў тое, што адбываецца… Мой муж паважаны чалавек і паспяховы прадпрымальнік, мецэнат, актыўна падтрымлівае спорт і мастацтва ў Малдове, заснавальнік дабрачыннага фонду, які дапамог і падтрымаў у цяжкую хвіліну дзясяткі сем'яў і сотні людзей, а галоўнае — ён любячы, добры бацька і муж», — напісала яна ў сябе ў Фэйсбуку.
28-гадовы Шор нарадзіўся ў Тэль-Авіве (Ізраіль), але вырас у Малдове і там успадкаваў багаты бізнэс свайго бацькі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы20
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары