Канцэрт запланаваны на 17 сакавіка 2016 года.
Пасля абвяшчэння пра ўз’яднанне нарвежскія поп-зоркі A-ha анансавалі выхад новага альбому і даты сусветнага туру. У межах туру гурт наведае і «Мінск-Арэну» 17 сакавіка, перадае Tut.by. Цэны на квіткі — ад 400 тысяч да 1,5 млн рублёў.
A-ha пагадзіліся ўз’яднацца дзеля аднога альбому, «Cast in Steel», і дзеля туру ў яго падтрымку. Далейшы лёс гурту нявызначаны.
Гурт правёў фінальны канцэрт у Осла ў снежні 2010 года, пасля чаго спыніў дзейнасць. A-ha нечакана вярнуліся ў сакавіку 2015 года на фэсце Rock in Rio. Уз’яднанне адбылося «натуральным чынам» — Пол Воктар-Савой і Мортан Харкет сустракаліся на студыі, Пол паказваў свае песні, Мортан іх напяваў, такім чынам адабраліся 10-12 песень, што ўвайдуць у новы альбом.
***
A-ha утварыліся ў Осла (Нарвегія) у 1982 годзе і хутка заваяваў папулярнасць з дэбютным самотнікам «Take on Me». У 80-90-х сталі сусветнымі зоркамі і лідарамі жанру электра-поп. Прыпынялі дзейнасць у 1994-1999 гадах, трыумфальна вярнуліся ў «нулявых». За ўсю гісторыю прадалі звыш 36 млн копій альбомаў і 15 млн — самотнікаў.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам27
Каментары