Пасталелі і нават трошкі памужнелі.
Нямецкі гурт Tokio Hotel дасць канцэрт у мінскім Prime Hall 8 лістапада.
Арганізатары сцвярджаюць, што колішні кумір эма дагэтуль папулярны, а квіткі на канцэрты ў іншых гарадах імгненна распрадаюцца. Хутка распрадаліся і першыя дзве сотні квіткоў з закрытага продажу на мінскі канцэрт (адкрыты продаж яшчэ не стартаваў). Папярэдне паведамляецца, што квіткі ў Prime Hall будуць каштаваць ад 650 тысяч.
На пачатку «нулявых» Tokio Hotel гралі цяжкую альтэрнатыву, многія слухачы і крытыкі называлі іх стыль эма. У тыя часы хлапцоў з гурту часта прымалі за дзеўчын праз спецыфічны стыль адзення. З таго часу многае змянілася: цяпер Tokio Hotel гэта поп з «электроншчынай».
Ды і хлопцы сталі выглядаць больш мужна.
Беларусь Tokio Hotel наведаюць у межах туру ў падтрымку альбому 2014 года «Kings of Suburbia» — самага лёгкага альбому за час свайго існавання, першай выключна англамоўнай плыткі (раней гурт выдаваў альбом па-нямецку і затым перавыдаваў англамоўную версію).
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары