Ва ўсіх цэрквах Замбіі ў нядзелю жыхары краіны маліліся аб аднаўленні эканомікі краіны і хуткім выхадзе з крызісу.
Прэзідэнт Замбіі Эдгар Лунгу падзякаваў суайчыннікам за малітву і сказаў, што Бог пачуў іх просьбу аб дапамозе. Лунгу заклікаў жыхароў пастарацца зрабіць усё магчымае для паляпшэння сітуацыі, а ў астатнім спадзявацца на Божую волю.
У дзень малітвы ў краіне былі зачыненыя ўсе бары, начныя клубы і іншыя забаўляльныя ўстановы. Таксама былі адмененыя матчы нацыянальнай футбольнай асацыяцыі.
Нацыянальная валюта — замбійская квача — з пачатку гэтага года патаннела ў адносінах да даляра амаль на 50%. Падзенне курсу нацыянальнай валюты адбывалася на фоне рэзкага падзення цэнаў на медзь, якая складае аснову экспарту Замбіі.
Яшчэ адным фактарам, якія паўплывалі на пагаршэнне эканамічнай сітуацыі ў краіне, стала моцная засуха. З-за адсутнасці дажджоў ўраджай кукурузы апынуўся менш чаканага, што прывяло да росту цэнаў на прадукты. Таксама мясцовыя ГЭС скарацілі выпрацоўку электраэнергіі, што прывяло да масавых адключэнняў святла па ўсё краіне.
Каментары