24 чэрвеня беларусы Чыкага і ваколіц сабраліся ў адным з чыкагскіх прыгарадаў Glenview на рэчцы North Branch Chicago River, каб адзначыць адно з самых старажытных беларускіх святаў — Купалле. Праграму ладзіла Беларуская грамада ў Чыкага.
Негледзячы на тое, што ў нядзелю двойчы быў доджд, нават раз переходзіў у лівень, дакрануцца да народных традыцый пажадала шмат беларусаў. Дзякуючы ўсім удзельнікам, удалося самае сапраўднае свята. Кожны дзяліўся добрым настроем, і чыкагскае Купалле-2019 атрымалася шчырым ды атмасферным. На свяце спявала Інэса Вінцкевіч, лаўрэат і дыпламант рэспубліканскіх конкурсаў аўтарскай песні. Удзельнікам імпрэзы была таксама паэтка і вядучая сацыяльна-культурнага праекта «Рэзананс» Ала Цяцёркіна.
Дарослыя і дзеці вадзілі купальскія карагоды, спявалі абрадавыя песні і танчылі — рабілі ўсё, што і рабілі нашы продкі, как запрасіць дабрабыт у свае хаты і на сваю Радзіму. Не абмінулі і «Купалінку». Майстраванні, спартовыя гульні, казкі для дзетак, пошукі папараць-кветкі — на кожную хвілінку былі свае заняткі.
Агулам завітала больш за сотню чалавек. Па чыкагскіх абшарах пракацілася мілагучная беларуская мова!
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары