24 červienia biełarusy Čykaha i vakolic sabralisia ŭ adnym z čykahskich pryharadaŭ Glenview na rečcy North Branch Chicago River, kab adznačyć adno z samych staražytnych biełaruskich śviataŭ — Kupalle. Prahramu ładziła Biełaruskaja hramada ŭ Čykaha.
Niehledziačy na toje, što ŭ niadzielu dvojčy byŭ dodžd, navat raz pieriechodziŭ u livień, dakranucca da narodnych tradycyj pažadała šmat biełarusaŭ. Dziakujučy ŭsim udzielnikam, udałosia samaje sapraŭdnaje śviata. Kožny dzialiŭsia dobrym nastrojem, i čykahskaje Kupalle-2019 atrymałasia ščyrym dy atmaśfiernym. Na śviacie śpiavała Inesa Vinckievič, łaŭreat i dypłamant respublikanskich konkursaŭ aŭtarskaj pieśni. Udzielnikam imprezy była taksama paetka i viadučaja sacyjalna-kulturnaha prajekta «Rezanans» Ała Ciaciorkina.
Darosłyja i dzieci vadzili kupalskija karahody, śpiavali abradavyja pieśni i tančyli — rabili ŭsio, što i rabili našy prodki, kak zaprasić dabrabyt u svaje chaty i na svaju Radzimu. Nie abminuli i «Kupalinku». Majstravańni, spartovyja hulni, kazki dla dzietak, pošuki paparać-kvietki — na kožnuju chvilinku byli svaje zaniatki.
Ahułam zavitała bolš za sotniu čałaviek. Pa čykahskich abšarach prakaciłasia miłahučnaja biełaruskaja mova!
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary