Мэр Херсона строга адказаў на словы Пуціна пра «спрадвечна рускія землі»
Мэр Херсона Уладзімір Мікалаенка і дэпутаты гарадской рады адказалі прэзідэнту Расіі Уладзіміру Пуціну на словы пра тое, што поўдзень Украіны і ў прыватнасці Прычарнамор'е — гэта спрадвечна рускія тэрыторыі. Адпаведная заява апублікавана на афіцыйным сайце горада.
Мікалаенка заявіў, што Кіеў два дзесяцігоддзі заплюшчваў вочы на тое, што расіяне называлі Крым сваёй тэрыторыяй. «Яны ўвасабляюць свае мары ў рэальнасць. І ім усё роўна, што гэтыя мары абарочваюцца кашмарам для ўсіх астатніх», — дадаў ён.
Па словах кіраўніка горада, спрадвечна рускія землі — гэта балота пад Масквой. «Усё астатняе — гэта тэрыторыі, якімі завалодалі пры дапамозе каварства і жорсткасці», — удакладніў Мікалаенка.
Ён таксама адзначыў, што расійскія ўлады здолелі пабудаваць вялікую па памерах імперыю, якая стаіць на касцях.
Каментары