Памёр вакаліст рок-гурта 3 Doors Down Брэд Арнольд. Яму было 47 гадоў
У суботу ва ўзросце 47 гадоў памёр Брэд Арнольд, заснавальнік і нязменны вакаліст амерыканскага рок-гурта 3 Doors Down. Прычынай смерці стала анкалагічнае захворванне.
У маі 2025 года Брэд Арнольд апублікаваў відэазварот, у якім расказаў пра цяжкі дыягназ, які яму дыягнаставалі — рак нырак чацвёртай стадыі з метастазамі ў лёгкія.
«У мяне не самыя добрыя навіны. Дыягназ — рак чацвёртай стадыі, і гэта не вельмі добра. Але ведаеце што? Мы служым магутнаму Богу, і Ён можа пераадолець усё. Таму ў мяне няма страху. Я шчыра зусім не баюся гэтага. Думаю, прыйшоў час мне самому трохі паслухаць «It’s Not My Time», праўда?» — напісаў ён.
Праз хваробу гурт быў вымушаны адмяніць запланаваны на лета 2025 года тур.
Брэд Арнольд быў адным з заснавальнікаў 3 Doors Down у 1996 годзе. Першапачаткова ён сумяшчаў ролі барабаншчыка і вакаліста. Сусветную вядомасць гурту прынёс хіт «Kryptonite», тэкст да якога Арнольд напісаў у 15‑гадовым узросце.
За сваю кар’еру калектыў выпусціў шэсць студыйных альбомаў і быў неаднаразова намінаваны на прэмію «Грэмі».
Прадстаўнік музыкі паведаміў, што Арнольд памёр у сне ў прысутнасці жонкі і блізкіх.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні6
Каментары