У дзяржаўных беларускіх СМІ каранавірус застаецца дзясятай па важнасці навіной ФОТА
Беларускія дзяржаўныя сродкі масавай інфармацыі не надаюць тэме пандэміі каранавіруса вялікай увагі.
Па стане на ранак нядзелі галоўныя старонкі дзяржаўных парталаў выглядалі вось так:
Галоўнымі тэмамі на іх застаюцца дзейнасць Аляксандра Лукашэнкі і топ-чыноўнікаў, а таксама адбор удзельнікаў на поп-фестываль «Славянскі базар» і дапамога шматдзетным сем'ям. Пра каранавірус паведамляецца, але як пра нешта другаснае і малаважнае.
Медыкі мяркуюць, што для змяншэння выпадкаў захворвання на каранавірус галоўнае — свядомасць грамадзян і іх гатоўнасць змяніць штодзённыя звычкі. Санітарныя службы розных краін свету рэкамендавалі на час пандэміі часцей мыць рукі, не дакранацца да твару, калі вы ў публічных месцах, абмежаваць прысутнасць у грамадскіх месцах, спыніць непатрэбныя паездкі ў зоны пранікнення інфекцыі.
Паводле наяўных звестак медыкаў, ад каранавіруса памірае ад 1 % (Паўднёвая Карэя) да 4 % (Кітай) інфікаваных асоб. Асаблівую небяспеку Covid-19 уяўляе для людзей ва ўзросце старэйшым за 60 гадоў і з хранічнымі хваробамі. Дзеці і моладзь, як правіла, маюць лёгкую форму захворвання, але небяспека ў тым, што яны могуць быць пераносчыкамі інфекцыі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары