Грамадства99

«І думкі не было ратаваць эканоміку, ратавалі людзей». Руды пра досвед Кітая ў барацьбе з каранавірусам

Экс-пасол Беларусі ў Кітаі і экс-дарадца прэзідэнта Беларусі Кірыл Руды расказаў у інтэрв'ю tut.by пра тое, як Кітай хутка перамог эпідэмію.

 — Вопыт Кітая ў самых розных галінах традыцыйна вельмі запатрабаваны ў Беларусі, але з пандэміяй пытанне асаблівае. Яна ў Кітаі пачалася, досыць хутка скончылася, але пытанні засталіся. Пра заблакаваны жорсткім карантынам Ухань вядома, а што адбывалася ў Пекіне? І як на гэта рэагавалі людзі?

— Мы глядзім на Кітай праз свае стэрэатыпы. Бачым тое, што хочам убачыць. Так, Кітай не адразу зразумеў, што адбываецца. Быў першым. Але потым зарыентаваўся. Змяніўся да непазнавальнасці і перамог хутчэй і з меншымі ахвярамі. Як?

Па-першае, перадаў паўнамоцтвы на месцы.

Улады гарадоў самі прымалі рашэнні закрываць дарогу ці населены пункт на каранцін, а школы і ўніверсітэты — калі адмяняць вучобу. Калі выніку не было і колькасць тых, хто заразіўся, расла, то Пекін прымаў кадравае рашэнне і мяняў мясцовага кіраўніка.

Па-другое, грамадства самаарганізавалася. Узніклі мясцовыя дружыны, што блакавалі свае вёскі. Бізнес кінуўся па свеце закупляць маскі. Аказвалі дапамогу няўрадавыя арганізацыі, у тым ліку міжнародныя. Нават беларускі самалёт з гуманітарнай дапамогай кітайскія ўлады спачатку не ведалі, як аформіць, а груз прымала прыватная кампанія, якая адправіла яго ва Ухань.

Па-трэцяе, Кітай узброіўся ІТ. Былі мабільныя дадаткі, у якіх адзначаліся захварэлыя, іх кантакты і кожны бачыў ад каго варта дыстанцыявацца. Давалі адзін дазвол на сям'ю для аплаты праз WeChat, каб у краму ішоў толькі адзін чалавек. Сканавалі QR-коды пры ўваходзе ў будынкі, каб ведаць маршрут чалавека. Пастаянна мералі тэмпературу.

Сёння, падобна, Расея выкарыстоўвае кітайскі вопыт.

— Што з кітайскага досведу варта было б выкарыстоўваць у Беларусі?

У Кітаі падчас каранавіруса быў такі лозунг «Вер навуцы!». Пачынаецца ўсё з таго, у што мы верым. Так і ставімся, так і дзейнічаем. Такія і вынікі.

— Афіцыйнай статыстыцы па захварэлых, памерлых, пратэставаных у Кітаі вераць?

— Іншай няма. Ды і як можна чапляцца да кітайскай статыстыкі, калі спачатку і тэстаў не было, і вірус не вызначаны быў. Усё ў першы раз. Думаю, улады Кітая адразу самі дакладна не ведалі. Змагаліся з невядомасцю. Галоўнае — выжыць.

Размовы аб палітыцы, эканоміцы тады былі проста недарэчныя і бесчалавечныя. Нават цяпер кітайскія кампаніі, якія працуюць у Беларусі, штодня даюць справаздачу ў Кітай не аб сваёй выручцы, а пра тэмпературу сваіх работнікаў, прыкладаючы фатаграфіі градуснікаў.

— А наогул важна, вераць уладам ці не вераць? Урэшце, цяпер крыніц інфармацыі шмат, можна і без загаду ўладаў дыстанцыявацца, экіпіравацца, ізалявацца…

— У надзвычайных сітуацыях ўсе глядзяць на ўладу. Там уся інфармацыя, кампетэнцыя, рэсурсы. Да выступу ў СМІ Сі Цзіньпіна 20 студзеня 2020 года мы ў пасольстве праводзілі сустрэчы з дэлегацыямі з Ухані. Потым за дзень усё змянілася.

Вядома, можна без указанняў уладаў рабіць па-свойму. Але так, здаецца, будзе даўжэй, калі па вуліцах будуць іншыя хадзіць і разносіць вірус. Гэта выклік не асобнаму чалавеку, а асяроддзю пражывання, грамадству. Кітайцы аб'ядналіся і перамаглі.

— Зараз, калі многія краіны ацэньваюць маштабы падзення эканомікі, усе таксама арыентуюцца на Кітай. ВУП Кітая ў першым квартале ўпаў на 6,8%. На ваш погляд, гэта многа ці мала?

— Паўтару. У Кітаі тады і думкі не было пра выратаванне эканомікі, ратавалі людзей. Цяпер палічылі першы квартал: так — падзенне 6,8%. Але ў гадавым вымярэнні гэта азначае, што прырост скароціцца з 6,1% у мінулым годзе, да 2—3% у гэтым, а ў бліжэйшыя тры гады сярэднегадавы тэмп складзе 3—5%.

Калі ў гадавым вылічэнні ўпадуць ЗША і ЕС, то Кітай будзе выцягваць сусветную эканоміку. Таму гэта хутчэй не падзенне, а запавольванне. Пакуль кітайцы працягваюць свае рэформы і адкрываюцца, яны не ўпадуць.

— Чатыры гады за межамі краіны, гэта дастаткова, каб па прыбыцці зірнуць на радзіму новымі вачыма. Што памянялася? Норавы? Настроі?

— Камандзіроўка была меншая за чатыры гады. Адвык ад рускай мовы на вуліцах. Раней неяк не заўважаў, але цяпер рэжа слых мат на вуліцах, у тым ліку на дзіцячых пляцоўках.

У цэлым, памянялася няшмат. Хоць не — за апошні месяц змяняецца. Я ўжо тыдняў пяць, напэўна, хаджу ў медыцынскай масцы. Адразу на вуліцы няўхвальна пазіралі, у чарзе ў краме абмяркоўвалі, адзін знаёмы нават сказаў, «гэта непаліткарэктна». Зараз усе прадаўцы ў крамах у масках. На вуліцах людзі ў масках з'явіліся. Нешта ў галаве змяняецца.

Каментары9

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць