Грамадства66

Родныя палітвязня Змітра Фурманава пачалі галадоўку каля СІЗА на Валадарскага ў Мінску ФОТА

Маці і дзяўчына Фурманава прыехалі ў сталіцу з Гродна. Яны плануюць знаходзіцца каля СІЗА на вуліцы Валадарскага, пакуль Фурманава не выпусьцяць, піша Радыё Свабода

Маці Змітра Фурманава Вольга Фурманава, а таксама ягоная дзяўчына Вольга Каракіна абвясцілі пра бестэрміновую галадоўку. Яны патрабуюць вызваліць Змітра і ўсіх палітвязьняў, а таксама — спыніць крымінальны пераслед зняволеных па 342-м артыкуле Крымінальнага кодэкса.

Апавяшчэньне пра сваю акцыю яны накіравалі ў Гродзенскі аблвыканкам, Адміністрацыю прэзідэнта, Савет Рэспублікі, СІЗА №1, МУС, Следчы камітэт, Генеральную пракуратуру, прадстаўніку ЕС у Беларусі, прадстаўніку ААН па правах чалавека ў Беларусі, Вярхоўны суд, спецыяльнаму дакладчыку па правах чалавека ў Беларусі.

Вольга Фурманава і Вольга Каракіна з'явіліся каля прахадной СІЗА №1 на вуліцы Валадарскага загадзя. Яны кажуць, што будуць знаходзіцца тут максімальна доўга.

«Мы плануем бестэрміновую галадоўку, а там як атрымаецца, — сказала Свабодзе Вольга Фурманава. — Будзем тут знаходзіцца, каля СІЗА. Што будзе далей, ці нам дазволяць тут быць, мы не ведаем. Як атрымаецца. Будзем старацца знаходзіцца тут».

Дзяўчына Змітра Вольга Каракіна кажа, што прыкладам для іх сталі галадоўкі, арганізаваныя рухам «Маці 328». Яна разам з маці свайго хлопца лічаць, што такім чынам могуць паўплываць на дзеянні ўладаў.

«Гэта радыкальны крок, так, — прызнае Вольга Каракіна. — Але мы бачылі, як галадаюць «Маці 328». Яны галадаюць ужо трэці раз. Мы вырашылі зрабіць па іх прыкладзе. Будзем такім самым чынам дамагацца праўды. Чалавек сядзіць ні за што. Ужо два месяцы».

Яна таксама расказвае, што родныя маюць сувязь са Змітром, ад яго рэдка, але даходзяць лісты. Палітвязень піша, што ў яго ўсё добра. «Як на самой справе, ніхто не ведае», — кажа Вольга Каракіна.

Улады пакуль ніяк не адрэагавалі на дзеянні жанчын. У першыя хвіліны галадоўкі ім не перашкаджалі знаходзіцца каля СІЗА. Вольга Каракіна спрабавала трапіць на прахадную, аднак ёй ніхто не адчыніў.

Аляксадр і Вольга Фурманавы

«Ад уладаў пакуль няма ніякай рэакцыі на наш крок, — кажа Вольга. — Лісты ў дзяржаўныя органы мы разаслалі ў пятніцу. Цяпер выходныя. Магчыма, яны заўтра неяк адрэагуюць. Зміцер таксама не ведае пра наш крок. Верагодна, ён будзе хвалявацца, перажываць. Не ведаю, як ён ацэніць гэта. Але я спадзяюся, што станоўча».

Змітра Фурманава затрымалі 29 мая ў Гродне на пікеце Ціханоўскай. Паводле ягонага бацькі Аляксандра Фурманава, яго схапілі людзі ў цывільным і вынеслі разам з крэслам з-за стала, дзе Зміцер збіраў подпісы за Святлану Ціханоўскую.

Каментары6

Цяпер чытаюць

Ці пагражае Крыму блакада праз паралізаваны Крымскі мост?9

Ці пагражае Крыму блакада праз паралізаваны Крымскі мост?

Усе навіны →
Усе навіны

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой4

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

больш чытаных навін
больш лайканых навін

Ці пагражае Крыму блакада праз паралізаваны Крымскі мост?9

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць