Затрыманы юрыст Максім Знак — адзін з апошніх членаў прэзідыума Каардынацыйнай рады на свабодзе
«У 8:30 у Максіма павінна было быць інтэрв'ю, ён не зайшоў у зум. Я яму патэлефанаваў, ён сказаў фразу «падобна хтосьці да нас прыйшоў» і адключыўся, [потым] напісаў слова «маскі». Цяпер ён недаступны», — паведаміў прадстаўнік штаба Бабарыкі Глеб Герман.
Максім Знак у гэты час быў у штабе Бабарыкі.
Пазней з'явілася фота яго затрымання.
Адвакат Знака Дзмітрый Лаеўскі распавёў TUT.BY, што справай займаецца Следчы камітэт.
— Следчы камітэт праводзіць працэсуальныя дзеянні, прычыны і падставы невядомыя. Цяпер у Максіма Знака дома плануецца ператрус, — сказаў Дзмітрый Лаеўскі.
У штаб Бабарыкі прэсу не пускаюць, але ў памяшканні знаходзяцца людзі, якія, мяркуючы па ўсім, нешта ламаюць. Да штаба прыехаў Максім Баграцоў, але ў яго таксама няма ніякай інфармацыі, акрамя здагадкі, што Максіма Знака даставілі ў штаб з дома.
Максім Знак і лаўрэат Нобелеўскай прэміі Святлана Алексіевіч былі апошнімі з сямі членаў прэзідыума Каардынацыйнай рады, якія знаходзяцца на свабодзе ў Беларусі.
Павел Латушка, Bольга Кавалькова былі вымушаныя выехаць за мяжу. Лілія Уласава знаходзіцца ў СІЗА, Сяргей Дылеўскі адбывае 15 сутак арышту, адбыўшы таксама ўжо іншыя 10 сутак.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары