Кіраўнік МЗС Літвы заклікаў іншыя краіны распачаць расследаванне злачынстваў супраць чалавечнасці ў Беларусі
Фота Надзеі Бужан
Лінас Лінкявічус у каментары BNS назваў «добрым прэцэдэнтам» распачатае літоўскай Генпракуратурай дасудовае расследаванне катаванняў у Беларусі па заяве беларуса Максіма Харошына.
«Я думаю, што іншыя краіны павінны зрабіць тое ж самае. Гэта натхніць людзей і, думаю, прымусіць трохі задумацца тых, хто, можа, спадзяецца, што ўсё, што яны робяць, застанецца без адказу.
Савет ААН па правах чалавека збірае доказы, рэзалюцыя Еўрапарламента заклікае Еўрапейскі саюз удзельнічаць у стварэнні цэнтра, які мог бы збіраць юрыдычныя доказы [злачынстваў супраць чалавечнасці ў Беларусі]», — заявіў кіраўнік МЗС Літвы.
Каментары