Адвакат байца ММА Аляксея Кудзіна патлумачыла, чаму Расія не мела права высылаць спартоўца
«Мы ўжо звярнуліся ў праваахоўныя органы за афіцыйнымі тлумачэннямі з гэтай нагоды. Жонка Аляксея Таццяна падала ў паліцыю заяву аб знікненні мужа, а я паведаміла ў СК аб перавышэнні службовых паўнамоцтваў супрацоўнікамі праваахоўных органаў, якія ажыццявілі выдачу нягледзячы на прамую забарону Еўрапейскага суда. Пакуль што ніякіх адказаў мы не атрымалі», — сказала Марыя Красава ў інтэрв'ю DW.
«ЕСПЧ спаслаўся на правіла 39, у адпаведнасці з якім экстрадыцыя забараняецца да таго часу, пакуль суд не прыме канчатковае рашэнне. ЕСПЧ, вывучыўшы нашы довады, што пераслед Аляксея быў палітычна матываваным, і пра тое, што ў Беларусі ён падвяргаўся катаванням, прыняў рашэнне аб неабходнасці праверкі звестак.
Доказы таго, што ў дачыненні да Аляксея прымянялі катаванні, былі ў матэрыялах крымінальнай справы ў Беларусі, якую нам удалося атрымаць. Там і раненні гумовымі кулямі, і страсенне мозгу, і прымяненне светлашумавых спецсродкаў — усе катаванні пацверджаныя. ЕСПЧ вызначыў тэрмін да 10 жніўня — да гэтага часу РФ павінна была падаць дакументы, на падставе якіх Еўрапейскі суд змог бы вывучыць абгрунтаванасць пастановы аб выдачы. Забарона на экстрадыцыю была да 17 жніўня. Але Расія гэта распараджэнне ЕСПЧ праігнаравала», — распавяла адвакатка.
Нагадаем, 21 ліпеня апеляцыйны суд у Маскве пакінуў у сіле рашэнне аб выдачы беларускага спартоўца Беларусі, нягледзячы на тое, што Еўрапейскі суд па правах чалавека забараніў экстрадыцыю Аляксея, спаслаўшыся на пераканаўчыя довады ягонай абароны.
Сям’і паступіла інфармацыя, што ноччу 21 ліпеня Аляксей на самалёце прыбыў у Мінск. У Беларусі яго абвінавачваюць у супраціве міліцыі, ён прымаў удзел у пратэстах у Маладзечне, у мэтах бяспекі збег з краіны.
-
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі
-
Яўген Афнагель: Пяць гадоў турмы таго каштавалі, таму што я бачыў Беларусь свабоднай
-
«Набраў 6,8 кг за 1,5 месяца». Як і чым кормяць у офісах ІТ-кампаній у Беларусі і за яе межамі?
Каментары