Грамадства

«Вырак вынес не суддзя». Бацька Міколы Дзядка пра 5 гадоў калоніі для сына

Анархіст Мікола Дзядок атрымаў 5 гадоў калоніі. Яго бацька, былы суддзя Аляксандр Дзядок пракаментаваў вырак:

«Мікола трымаўся добра: бадзёры, пазітыўны, аптымістычны, з упэўненасцю ў сабе. Пасміхаўся. Нават спрабаваў з намі неяк стасавацца, але канвой не даваў магчымасці, забаранялі не толькі словы, але і жэсты. Вельмі груба і агрэсіўна, сыну не далі нават магчымасці рукою махнуць нам.

Аляксандр Дзядок

Ані для нас, ані для сына прысуд не быў сюрпрызам, бо мы людзі, якія жывуць у беларускіх рэаліях. Мы ведаем, што правасуддзя ў Беларусі няма, што суды кіруюцца, яны не незалежныя, што дзяржабвінаваўца выказаў пазіцыю ўлады ў дачыненні да Міколы, калі прапанаваў суду прызначыць 5 гадоў.

Таму вырак не стаў нечаканым. Канечне, непрыемна, маленькая надзея была, але настолькі маленькая, што мы ўвагі на яе не звярталі. 

Я атрымаў ад сына ліст у пачатку лістапада. Ён піша пра сябе, пра здароўе, з якім ё праблемы. Сын за мінулы год перахварэў і прастудай, і, хутчэй за ўсё, кавідам. Мы намагаемся, каб Міколу аказвалі медычную дапамогу, перадаем лекі. Бяруць амаль усе, але бываюць дзіўныя выключэнні — напрыклад, нядаўна не ўзялі «Кетанов» ад болю, не тлумачачы, чаму. 

Таму праблемы са здароўем у Міколы ёсць, але не катастрафічныя. У астатнім ён трымаецца добра, і маральна і псіхалагічна. Ён малайчына, ён баец, застаецца ўпэўненым у сабе, у сваіх поглядах, гэта дае яму сілы змагацца далей.

Мы разумеем, што скаргі і апеляцыі не маюць сэнсу, калі чакаць ад іх змяненняў у прысудзе. Бо, я лічу, што вырак жа вынеслі не суддзя і не дзяржабвінаваўца, усё вырашалася зусім у іншых кабінетах. 

Але абскарджваць усё адно будзем. Гэта неабходна, бо мы мусім выразіць сваё стаўленне да незаконнага і несправядлівага прысуду».

Праўладныя тэлеграм-каналы нядаўна распаўсюджвалі чуткі, што на Міколу Дзядка збіраюцца завесці яшчэ адну справу. Але яго бацька кажа, што такой інфармацыі няма:

«Сам Мікола ці яго адвакаты таксама пра гэта нічога не ведаюць».

Міколу Дзядка затрымалі ў лістападзе 2020, абвінавацілі па трох артыкулах КК: арганізацыя дзеянняў, якія парушаюць грамадскі парадак; незаконныя дзеянні ў дачыненні да агнястрэльнай зброі, боепрыпасаў і выбуховых рэчываў; заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь.

На адным з пасяджэнняў Мікола распавёў пра жудасныя катаванні пасля затрымання, нават назваўшы прозвішчы работнікаў ГУБАЗіК, якія здзекваліся з яго, але ніякіх наступстваў для сілавікоў гэта не пацягнула.

Каментары

Цяпер чытаюць

«Мы яму давяраем». Чаму зніклую Мельнікаву замяніў менавіта экс-вайсковец Пацехін?1

«Мы яму давяраем». Чаму зніклую Мельнікаву замяніў менавіта экс-вайсковец Пацехін?

Усе навіны →
Усе навіны

Шумчанка запісаў відэазварот да Лукашэнкі6

У Чачні на ўсеагульны агляд выставілі цела 17-гадовага хлопца, які напаў на пост ДПС10

Сіноптыкі расказалі, які раён Мінска самы цёплы ўзімку

Любіце шматкі на сняданак? Ну, чытайце3

Колькасць ахвяр у Санта-Дамінга дасягнула 184

Стала вядома, як будзе выглядаць Валадарка пасля рэканструкцыі17

Сканчваецца легендарная антыўтопія пра ЗША. Што чакаць ад фіналу «Аповеду служанкі»6

Амерыканскія біржы ўзляцелі пасля таго, як Трамп даў задні ход з пошлінамі. Услед за імі растуць і азіяцкія6

У Віцебску вынеслі прысуд праваслаўнаму святару, які насмерць збіў машынай дзіця4

больш чытаных навін
больш лайканых навін

«Мы яму давяраем». Чаму зніклую Мельнікаву замяніў менавіта экс-вайсковец Пацехін?1

«Мы яму давяраем». Чаму зніклую Мельнікаву замяніў менавіта экс-вайсковец Пацехін?

Галоўнае
Усе навіны →

Заўвага:

 

 

 

 

Закрыць Паведаміць