Міністр замежных спраў Кітая Ван І ў размове з дзяржсакратаром ЗША Энтані Блінкенам заявіў, што для вырашэння канфлікту на ўсходзе Украіны бакі павінны вярнуцца да выканання Мінскіх пагадненняў.
«Для вырашэння ўкраінскага пытання ўсё роўна прыйдзецца вярнуцца да Мінскіх дамоўленасцяў, гэта зыходная кропка. Гэта асноватворны дакумент, прызнаны ўсімі бакамі, і яго палажэнні трэба выконваць», — адзначыў Ван І. Ён таксама заклікаў пазбегнуць эскалацыі канфлікту і не раздзімаць крызіс.
«Рэгіянальная бяспека не можа быць гарантаваная за кошт ўмацавання і пашырэння ваенных блокаў», — заявіў кітайскі міністр. Паводле яго слоў, бяспека адной дзяржавы не можа забяспечвацца за кошт бяспекі іншых краін.
Таксама Ван І асудзіў «менталітэт халоднай вайны» і заклікаў ЗША, ЕС, Украіну і Расію вырашыць спраблемы з дапамогай дыпламатыі.
Мінскія пагадненні — дакумент, скіраваны на вырашэнне крызісу на ўсходзе Украіны. Быў узгоднены ў Мінску 11-12 лютага 2015 года кіраўнікамі Расіі, Украіны, Нямеччыны і Францыі.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары