Карпенка патлумачыў, чаму не апублікавалі прозвішчы членаў камісій. Ёсць новыя шматабяцальныя версіі
Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Ігар Карпенка ў эфіры «Беларусь-1» патлумачыў, чаму не апублікаваныя імёны членаў участковых камісій.
Карпенка прызнаў, што сёння ЦВК крытыкуюць, што не былі апублікаваныя прозвішчы членаў участковых камісій.
«Але наколькі неабходна вось гэтыя даныя сёння выстаўляць,
калі ў Рэспубліцы Беларусь уступіў у сілу закон аб персанальных даных, аб абароне персанальных даных? І ён ужо ў пэўнай ступені дыктуе пэўныя свае патрабаванні па ўнясенні змяненняў і дапаўненняў у выбарчае заканадаўства»,
‒ зрабіў нечаканую выснову Карпенка.
На ягоную думку, у рамках працы над выбарчым заканадаўствам давядзецца «ўлічваць розныя такія нюансы, якія дазволяць нам збалансаваць і тыя законы, якія прымаліся раней».
То-бок імёны членаў выбарчых камісій, на думку Карпенка, тэарэтычна падпадаюць пад дзеянне закона аб персанальных даных, проста пакуль выбарчае заканадаўства не адбалансавана.
Плюс да гэтага «ішлі пагрозы ў адрас участковых камісій».
«Скажу больш, нават некаторым членам ЦВК прыходзілі лісты з пагрозамі і з некаторымі напамінамі аб адказнасці і г. д. Былі да нас і звароты радавых грамадзян не друкаваць іх персанальныя даныя. Таму было прынята гэта ўзважанае рашэнне, але яно ніякім чынам не адбіваецца на праве грамадзян свабодна прымаць удзел у рэферэндуме і выказваць сваю пазіцыю», ‒ упэўнены Карпенка.
Ці не адаб'ецца ананімнасць членаў участковых камісій, якія з-за кавіду будуць яшчэ і ў масках, на саміх выніках рэферэндуму, Карпенка не ўдакладніў.
«Сёння няма такой неабходнасці на тэрыторыі, дапусцім, Віцебскай вобласці, ведаць, хто там уваходзіць у склад камісіі ў горадзе Мінску і г.д», ‒ мяркуе старшыня ЦВК.
Калі ж у каго такая неабходнасць паўстане, Карпенка раіць звяртацца ў ЦВК.
«Мы разбяромся з гэтым пытаннем», ‒ абяцае ён.
Пайшоў рэгістравацца назіральнікам на рэферэндуме і… знік
Паслухайце, як членаў камісіі ўгаворваюць падпісаць ліпавы пратакол. Гэта псіхалагічная драма АЎДЫЯ
Цяпер чытаюць
Чым займаліся супрацоўнікі Акрэсціна да таго, як узначаліць месца катаванняў беларусаў?2
Каментары