Еўрапейскія стартаперы заснавалі дабрачынную арганізацыю для дапамогі Украіне
OneUkraine будзе падтрымліваць украінцаў дома і за мяжой.
Арганізацыя будзе дастаўляць гуманітарную дапамогу і імкнуцца аднавіць інфраструктуру Украіны з дапамогай дробнага і сярэдняга бізнесу і стартапаў на месцах. Многія з членаў-заснавальнікаў арганізацыі паходзяць з Украіны ці маюць сямейныя сувязі з краінай, таму арганізацыя спадзяецца знайсці прамы доступ да мясцовых сетак і заўжды мець праўдзівыя звесткі пра патрэбы краіны.
У арганізацыі кажуць, што яны паспелі эвакуяваць больш за пяць з паловай тысяч чалавек, у асноўным жанчын і дзяцей, і ўжо даставілі дапамогі на суму больш за 4 мільёны еўра. Яны таксама пабудавалі ўкраінскую школу ў Літве, каб забяспечыць адукацыю для бежанцаў.
Марцін Рэйтэр, генеральны дырэктар і сузаснавальнік OneUkraine, кажа: «Многія з нашых заснавальнікаў нарадзіліся і выраслі ва Украіне, таму мы лічым сябе абавязанымі дапамагаць нашым сябрам, сем'ям і калегам. У жыцці мы вядомыя як лідары або заснавальнікі тэхналагічных стартапаў. І цяпер мы разам робім тое, што ў нас атрымліваецца лепш за ўсё: працуем спрытна і эфектыўна на ўсіх узроўнях і хутка знаходзім патрэбную народу Украіны дапамогу».
OneUkraine створаная як доўгатэрміновая ініцыятыва і патрабуе фундатарства. Выдаткі на аперацыйную каманду будуць цалкам фінансавацца за кошт асабістых сродкаў заснавальнікаў, але OneUkraine запрашае донараў і іншых партнёраў дапамагчы фінансаваць праекты і эфектыўна падтрымліваць Украіну. Платформа зарэгістраваная ў Германіі.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары