Цяпер з-за вайны ва Украіне не працуе 35% эканомікі, паведаміў прэм'ер-міністр Украіны Дзяніс Шмыгаль у інтэрв'ю BBC. Ён адзначыў, што бізнэс страціў больш за 200 заводаў, каля 17% бізнэсаў наогул спынілі сваю працу, а 60% прадпрыемстваў працуюць на ўзроўні ніжэйшым за даваенны.
«Па розных ацэнках розных экспертаў, на сёння страчана ад 30% да 50% эканомікі. Прагноз падзення ВУП таксама складае 30—50%. У сярэднім каля 35% эканомікі сёння не працуе», — падкрэсліў украінскі прэм'ер.
Таксама Шмыгаль растлумачыў, што дзяржбюджэт выконваецца на ўзроўні 50-70% ад даваеннага. У той жа час «драматычна» выраслі выдаткі на сацыяльныя патрэбы, гуманітарныя патрэбы, на размініраванне. Паводле яго слоў, усё гэта ўтварае бюджэтны дэфіцыт у памеры 5 млрд даляраў штомесяц.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі37
Каментары