8 верасня Аляксандр Лукашэнка сустрэўся ў Мінску з расійскім бізнэсменам Уладзімірам Патаніным, кіраўніком кампаній «Інтэррас» і «Нарыльскі нікель». Лукашэнка прапанаваў яму больш цесна супрацоўнічаць з Беларуссю.
Па словах Лукашэнкі, у беларускіх прадпрыемстваў і кампаній Патаніна ёсць шмат агульных інтарэсаў. Асобна ён адзначыў сумесныя праекты па абслугоўванні і стварэнні новай тэхнікі ў Краснаярскім краі.
Напярэдадні стала вядома, што «БелАЗ» і «Нарыльскі нікель» ствараюць сумеснае прадпрыемства для распрацоўкі і серыйнай вытворчасці падземнай горнай тэхнікі новага пакалення.
Патанін заявіў, што гэты праект павінен не толькі забяспечыць яго прадпрыемства неабходнай горнай тэхнікай, але і дазволіць стварыць новую лінейку машын, здольную канкураваць з найлепшымі сусветнымі ўзорамі. У тэхніку плануюць уключыць элементы беспілотных тэхналогій і новыя, больш эканамічныя і бяспечныя рухавікі.
Акрамя таго, бакі хочуць аб’яднаць традыцыйнае супрацоўніцтва ў сферы горнай тэхнікі з распрацоўкамі ў галіне штучнага інтэлекту і працы з вялікімі данымі.
Патанін расказаў, што перад паездкай у Беларусь вывучаў, якія сферы могуць быць найбольш цікавымі для абодвух бакоў. Паводле яго слоў, ён рады, што падчас візіту агульныя планы ўжо пачалі ператварацца ў канкрэтныя праекты.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары