Рэцэпт на выхадныя. Курыныя эскалопы з салатай з рукалы — простае і смачнае мяса
Паўгадзіны працы (добра, крыху больш) — і ў вас на стале гарачая хрусткая кураціна. Арыгінальным дапаўненнем да яе стане салата з рукалы і пармезану.
Фота: BBC Food
Каб згатаваць курыныя эскалопы з салатай з рукалы, вам спатрэбіцца:
- 4 курыныя грудкі без костак і скуры
- 10—12 дробна парубленых лісткоў свежага шалфею (можна замяніць на чабор ці базілік)
- 12 здрабнёных гарошын чорнага перцу (ці іншая спецыя на ваш густ)
- 8 сталовых лыжак мукі
- 2 узбітыя яйкі
- 150 грамаў мукі
- 250 грамаў паніровачных сухароў
- 180 грамаў масла
- сок з паловы лімона
- аліўкавы алей
- бальзамічны воцат
- 100 грамаў рукалы
- 80 грамаў цёртага пармезану (ці іншага цвёрдага сыру)
- Каб зрабіць эскалопы, размясціце кожную грудку паміж двума слаямі харчовай плёнкі. Выкарыстоўвайце качалку для цеста, каб разгладзіць кожную грудку, пакуль яна не стане больш тонкай і шырокай. Прыбярыце плёнку, прыпраўце мяса шалфеем і перцам.
- Насыпце муку ў міску, у іншай місцы ўзбіце разам яйкі і малако. Насыпце на талерку паніровачныя сухары.
- Абкачайце кожны кавалак мяса ў муке і страсіце з яго лішкі. Апусціце кожны эскалоп у сумесь з яек і малака, а потым абкачайце яго ў сухарах, пакуль ён не будзе імі цалкам пакрыты.
- Пастаўце патэльню на сярэдні ці вялікі агонь, растапіце на ёй палову ўсяго масла. Пакладзіце ў патэльню два з чатырох эскалопаў і смажце іх на кожным баку на працягу 4—6 хвілін або пакуль сухары не набудуць залаты колер. Прыбярыце эскалопы з патэльні і пакладзіце іх у цёплае месца.
- Паўтарыце тое ж самае з большай часткаю масла, што ў вас засталося, і з двума эскалопамі, што ў вас засталіся.
- Растапіце рэшткі масла ў іншай патэльні на сярэднім агні. Калі масла стане светла-карычневым, дадайце туды лімонавы сок і перамяшайце сумесь. Прыбярыце сумесь з агню.
- Каб зрабіць салату, змяшайце аліўкавы алей і воцат да аднароднасці. Дадайце рукалу і добра ўсё перамяшайце, каб сумесь пакрывала рукалу.
- Каб падаць эскалопы, памясціце кожны з іх у цэнтр асобнай талеркі і палейце сумессю лімоннага соку і масла. Пакладзіце каля эскалопа рукалу і пасыпце яе пармезанам.
Каментары
там чай, Жвір. (не блытаць з гарбатай) зусім адарваліся вы ад беларускіх рэалій