На карупцыі злавілі дырэктара Інстытута машынабудавання Акадэміі навук разам з намеснікам і бухгалтарам
Камітэт дзяржаўнага кантролю выявіў карупцыйныя схемы ў структурах Нацыянальнай акадэміі навук Беларусі. Сярод фігурантаў — супрацоўнікі, звязаныя з распрацоўкай першага айчыннага электрамабіля, паведамляе СТБ.
Паводле расследавання КДК, генеральны дырэктар Інстытута машынабудавання разам з намеснікам, галоўным бухгалтарам і галоўным эканамістам арганізавалі незаконную выплату прэмій «давераным» работнікам. Гэтыя людзі здымалі грошы з картак і перадавалі кіраўніцтву, пасля чаго сродкі дзялілі паміж чатырма ўдзельнікамі схемы. Пры гэтым сярэдні заробак дырэктара складаў 10—11 тысяч рублёў, але львіную долю ўсіх «левых» сродкаў забіраў сабе ягоны намеснік.
Прозвішчы ў гэтым паведамленні не называюцца, але вядома, што генеральным дырэктарам Аб'яднанага інстытута машынабудавання НАНБ з 2014 года з'яўляецца Сяргей Паддубка. На сайце ўстановы прысвечаная яму старонка ёсць дагэтуль. На ёй сярод іншага згадваецца, што 23 студзеня 2025 года Паддубка атрымаў падзяку ад кіраўніка адміністрацыі Лукашэнкі Дзмітрыя Крутога «за шматгадовую добрасумленную працу, высокі прафесіяналізм, значныя дасягненні ў навуковай і навукова-тэхнічнай дзейнасці і ў сувязі з Днём беларускай навукі».
Акрамя таго, КДК выявіў у гэтым інстытуце факты махлярства пры закупках абсталявання — напрыклад, патрабавалі павысіць кошт электрабатарэі, а таксама спрабавалі рэалізаваць падобныя схемы пры праектах па вадародных устаноўках.
Карупцыйныя эпізоды знайшлі і ў іншых установах НАН: дырэктар аднаго з філіялаў прадпрыемства цэнтрабежнай тэхнікі на працягу некалькіх гадоў атрымліваў адкаты ад расійскіх кампаній, а кіраўнік гродзенскага інстытута збіраў незаконна налічаныя прэміі з падначаленых. Таксама зафіксаваныя выпадкі хабару ў кіраўніка дзіцячага аздараўленчага лагера, які таксама падпарадкоўваецца НАНБ.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары