Што паглядзець. «Пацыент» — захапляльны і страшны трылер пра псіхатэрапію
У ложку прачынаецца мужчына, ён цягнецца па акуляры і надзявае іх. Цалкам апрануты, ён устае, але калі робіць крок, чуе ляск. Ён глядзіць уніз і бачыць, што прыкуты за нагу да падлогі.
Так пачынаецца 10-часткавы серыял «Пацыент» (The Patient), створаны амерыканскім стрымінгавым сэрвісам Hulu. Прыкаваны мужчына — Алан Страус, псіхатэрапеўт. З цягам часу мы даведваемся, што знаходзіцца ён у доме свайго пацыента, Сэма Фортнера, піша NPR.
Людзі звяртаюцца да псіхатэрапеўтаў па розных прычынах, але ў Сэма яна даволі незвычайная: мужчына — серыйны забойца, ён хоча перастаць забіваць людзей, але для яго гэта дужа цяжкая задача.
Простасць і, адначасова, складанасць такога ўступлення ў тым, што далей дзеянне можа развівацца зусім па-рознаму, але патэнцыйных вынікаў не так шмат. Алан можа збегчы, яго могуць выратаваць, або Сэм дазволіць яму сысці, мужчына можа застацца ў палоне назаўсёды або памерці там. На розных этапах серыяла кожны з гэтых варыянтаў выглядае праўдападобным, бо Алан шукае спосабы выратавацца, але ў той жа час і немагчымым.
У Сэма, у сваю чаргу, таксама не так шмат варыянтаў: забіваць і далей або спыніцца? Выжыць ці памерці? Выпусціць Алана ці трымаць яго ў сябе, але да якога моманту?
У тым, што серыйны забойца звяртаецца да псіхатэрапеўта, ёсць свой элемент чорнай (вельмі чорнай) камедыі. Хіба ж псіхатэрапеўт — гэта не той чалавек, які павінен вам дапамагаць, якія б цёмныя сакрэты вы яму ні раскрывалі? Калі ад гэтага залежыць яго бяспека, Алан абнадзейвае Сэма расказамі пра свае прафесійныя абавязкі і абяцае таму дапамагчы, чым зможа. Але ж незразумела, наколькі пры гэтым варта давяраць Алану, тым больш што часам ён ледзьве стрымлівае праведны гнеў на Сэма — чалавека, якому Алан спрабаваў дапамагчы, але які адплаціў яму зняволеннем.
Серыял «Пацыент» удумлівы і кранальны як добрая драма, але ў той жа час напружаны як найлепшыя трылеры. Пакуль даступныя дзве серыі, але ў выніку іх выйдзе 10. Гэта шоу, якое будзе зноў і зноў прымушаць вас задумвацца і гадаць, як гэта ўсё можа прыйсці хоць да нейкага зразумелага фіналу. Але фінал у серыяле ёсць, і ён добра зроблены. Было б няправільна казаць пра гэта нешта яшчэ.
Рэйтынгі на вялікіх сусветных рэсурсах:
IMDB — 7,8/10
Rotten Tomatoes — 83%
Што паглядзець. «Курорт» — з пляжнай казкі ў таямнічую гісторыю
Што паглядзець. «Тэгеран» — папулярны шпіёнскі серыял, які вы маглі прапусціць
«Жанчына пры грошах» — лёгкая, яркая і кранальная камедыя пра падманутую жонку мільярдэра
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
В юношестве я из-за нескольких мрачных событий наложил на себя руки и с точки зрения самоубийцы - неудачно. Потому что остался жить. Но попал в психиатрическую больницу и потом под надзор психиатра.
Прошли некоторые годы и на моей работе в приличном месте врач на предприятии оказалась эта женщина. Бывший врач психиатр. Не знаю как так можно. Она уже знала меня и в краткий срок рассказала всему руководству всё то, что обычно считается врачебной тайной. Директор пригласил меня с доверительной беседой, ей было интересно "как это быть самоубийцей". Я уволился и даже удивлён, что эта мразь не поняла уровень своего падения. Поэтому не посещайте психологов и психиатров в РБ. Они первые предадут вас.
хаця псіхатэрапеўт мусіць весці працу найперш праз псіхатэрапію, то бок без выкарыстання пілюль. але... у Амерыцы ёсць штаты, дзе нават псіхолагі ўжо могуць выпісваць пілюлі