Новае стагоддзе падарыла нам шмат гісторый пра жанчын, якія выпраўляюць несправядлівасць: Беатрыкс Кіда ў «Забіць Біла», гераіня «Дзяўчыны з татуіроўкай дракона» або Ар’я Старк з «Гульні тронаў». «Клеа» — апошні прыклад такой гісторыі, якая яшчэ і адбываецца даволі блізка да нас.
Галоўная гераіня серыяла — маладая немка, якую завуць Клеа, дзёрзкая жанчына-кілерка. Яе гісторыя пачынаецца незадоўга да падзення Берлінскай сцяны і нагадвае стужкі Таранціна «Бясслаўныя вырадкі» і «Аднойчы ў Галівудзе», у якіх стваральнікі гуляюць з гістарычнымі фактамі. Такі падыход надае канцу камуністычнай эпохі жартаўлівае адценне, піша npr.org.
На двары 1987 год, і Клеа, унучка вядомага дзяржаўнага дзеяча ГДР, працуе наёмнай забойцай у сакрэтнай паліцыі — Штазі. Яна профі ў сваёй справе, але пасля аднаго з заданняў дзяўчыну лжыва абвінавачваюць у дзяржаўнай здрадзе і асуджаюць да пажыццёвага. Але падае Берлінскі мур, і ўсіх палітвязняў у ГДР вызваляюць. Пасля выхаду на волю Клеа бярэцца высветліць, хто ж яе запраторыў за краты, і прымусіць іх заплаціць.
Ёсць чалавек, які праследуе Клеа, але з цягам часу ён змяняе стаўленне да яе. Гэта Свен, кудлаты паліцэйскі з Заходняга Берліна, якога ніхто не ўспрымае ўсур’ёз. Свен прысутнічаў пры апошнім заданні, якое выканала Клеа, і з таго часу быў апантаны жаданнем знайсці гэтую забойцу. Але ж Клеа пагражае небяспека, бо яе ўласнае расследаванне пагражае некаторым надзвычайна ўплывовым людзям. Сярод іх і сапраўдныя гістарычныя дзеячы, напрыклад, кіраўнік Штазі Эрых Мільке.
Клеа падарожнічае па свеце ў спробах знайсці таго, хто ёй здрадзіў. Яна і Свен сутыкаюцца з забойцамі, двайнымі агентамі, ілжывымі сябрамі, некалькімі выпадковымі дурнямі і таямнічым шпіёнам кітайскага паходжання з Заходняй Германіі, які насамрэч можа быць самым разумным чалавекам у серыяле.
Часам героі падаюцца дзівакаватымі, але гэта ўсё роўна сакавітая гісторыя. Часткова гэта звязана з тым, што галоўныя акцёры граюць проста выдатна, і таму іх персанажы такія цікавыя: як сама Клеа, у якой разгубленасць спалучаецца з выключнай бясстрашнасцю, так і Свен, які часам раздражняе, але ўрэшце ачароўвае і гледачоў, і Клеа. У дадатак вам прынясе асалоду старанная рэканструкцыя эпохі. «Клеа» добра фіксуе кантраст паміж заходнімі немцамі з іх практычнасцю і багаццем і паслухмянымі немцамі ўсходнімі, якія ўсё яшчэ моцна прывязаныя да камуністычнай сістэмы і ніяк не змірацца з яе падзеннем.
У такіх гісторыях заўсёды цікава, удасца нарэшце герою адпомсціць, ці ён вырашыць, што варта ўсё-такі ўсім дараваць. Скажам дакладна: Клеа не думае, што помста — страва, якую трэба падаваць халоднай.
Рэйтынгі на вялікіх міжнародных рэсурсах:
IMDB — 7,5/10.
Rotten Tomatoes — 100% (па меркаваннях крытыкаў).
Што паглядзець. «Пясочны чалавек» — адна з найлепшых фэнтэзі-саг гэтага года
«Пяць дзён пасля катастрофы» — серыял пра тое, як дзяржава не выратавала падчас катаклізму
Што паглядзець. «Пацыент» — захапляльны і страшны трылер пра псіхатэрапію
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма4
Каментары