«Гэта вельмі сур'ёзная сфера», — заявіў міністр інфармацыі, выступаючы перад студэнтамі ў Гродзенскім дзяржаўным універсітэце, паведамляе БелТА.
«Мы падыходзім да пытання рэгулявання алгарытмаў сацыяльных сетак, гэта вельмі вялікая сфера, вельмі сур'ёзная. Мы разумеем, што любая сацыяльная сетка прымяняе, на жаль, падступныя алгарытмы па фарміраванні пэўнага светапогляду ў дзіцяці. Гэта прыйшло з маркетынгу, але цяпер гэта поўная ідэалогія. І ўсё тое, што мы маем цяпер, гэта вынік таго, што мы дзесьці недапрацавалі. Таму важна сустракацца з моладдзю, глядзець дзецям у вочы, адказваць на любыя, самыя нечаканыя і самыя нязручныя пытанні», — сказаў Уладзімір Пярцоў.
Міністр лічыць, што інакш гэтыя адказы на пытанні дадуць «нашы апаненты».
«І будзе як з гісторыяй Вялікай Айчыннай вайны, з гісторыяй генацыду беларускага народа і як з усімі астатнімі нашымі асноватворнымі пастулатамі. Пра якія мы думалі, што яны непарушныя. А цяпер маем тое, што столькі лухты, столькі фэйкаў. І ёсць ужо цэлае пакаленне, якое верыць у тое, што гэта праўда», — лічыць міністр.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»7
Каментары