Арастовіч патлумачыў, чаму Зяленскі не сустракаецца з Ціханоўскай
Украінскія ўлады не хочуць даваць Аляксандру Лукашэнку падставы прыняць эмацыйную пастанову і ўступіць у баявыя дзеянні. Так дарадца кіраўніка Офіса прэзідэнта Украіны Аляксей Арастовіч патлумачыў, чаму прэзідэнт краіны Уладзімір Зяленскі дагэтуль не сустрэўся са Святланай Ціханоўскай, адзначае Reform.by.
У чарговым стрыме Марк Фейгін пацікавіўся ў Аляксея Арастовіча, чаму Уладзімір Зяленскі не сустракаецца з Ціханоўскай і ці ёсць розніца паміж палітычным складнікам палка Каліноўскага і Святланай Ціханоўскай.
«Я не бачу неабходнасці супрацьпастаўляць палітычны складнік палка Каліноўскага Святлане Ціханоўскай. Святлана Ціханоўская — гэта законна абраны лідар Беларусі, прызнаны на Захадзе. Полк Каліноўскага — гэта ваеннае падраздзяленне ў складзе Узброеных сіл Украіны, які ў яго палітычны складнік? Зразумела, што яны беларусы, у іх сваё бачанне Беларусі, але чыста фармальна, паводле дакумента, па тым, як працуе міжнароднае права, іх палітычны складнік — гэта рыторыка, гэта пэўны палітычны шлейф. Трэба разумець, што яны абмежаваныя ў магчымасцях, таму што яны з'яўляюцца складнікам часткі узброеных сіл, а ўзброеныя сілы па-за палітыкай», — адказаў Аляксей Арастовіч.
Далей ён адказаў на пытанне аб адсутнасці сустрэчы з Уладзімірам Зяленскім. Па словах Арастовіча, украінскія ўлады не хочуць даваць падставу Аляксандру Лукашэнку для ўступлення ў баявыя дзеянні.
«Што тычыцца Ціханоўскай Святланы Георгіеўны. Эфектыўны кантроль Беларусі ажыццяўляе Лукашэнка. Лукашэнка манеўруе па-максімуму, робячы ўсё, каб не даць уцягнуць Беларусь у вайну, па-максімуму. Тут магчыма так: дапамагаць яму манеўраваць альбо перашкаджаць яму манеўраваць, павялічваючы шанцы ўступлення Беларусі ў вайну, ці яшчэ горш таго — прымусіць яго прыняць эмацыйнае рашэнне, пра якое, магчыма, тройчы пашкадуе, але тым не менш, падняць узровень эскалацыі і ўзровень уцягнутасці Беларусі ў вайну. Сустрэча афіцыйная ўкраінскіх уладаў з ёй, са Святланай Ціханоўскай, будзе безумоўна, максімальна спрыяць прыняццю такога рашэння. Цяпер увага: а ці трэба нам забіваць беларусаў. Ці трэба ў памяці беларускага народа пакідаць, які ў закладніках у пуцінскага рэжыму, фактычна гэта акупаваная тэрыторыя таксама, як акупаваная Данецкая, Луганская вобласці, што іх забівалі ўкраінцы. Нам гэта не трэба ў сучаснасці, таму што Лукашэнка можа прыняць эмацыйнае рашэнне, нам не трэба гэта ў будучыні, таму што нам не патрэбна памяць у беларускім народзе, што ўкраінцы іх забівалі, хоць аднаго беларуса забілі ўкраінцы», — сказаў Арастовіч.
Ён дадаў, што ўкраінскія ўлады таксама манеўруюць у гэтым пытанні.
«Мы дакладна так жа манеўруем у гэтым плане. Мы не прызналі Аляксандра Лукашэнку прэзідэнтам Беларусі. Мы гаворым адкрыта, што Беларусь удзельнічае ў вайне, калі дае сваю тэрыторыю для расійскіх удараў па нас, інфраструктуру, лагістыку, сродкі, гэта значыць, мае амаль усе прыкметы ваеннай агрэсіі, акрамя прамога ўдзелу Узброеных сіл у нанясенні ўдараў па нашай тэрыторыі. З 15 або 16 прыкмет ваеннай агрэсіі 13 яны выконваюць дакладна ці 14. Мы ж, разумеючы асаблівасць гэтай сітуацыі, не імкнёмся пашыраць колькасць праціўнікаў або задзейнічаных войскаў з боку праціўніка і г. д. Даём беларускаму боку, Лукашэнку і тым, хто ажыццяўляе эфектыўнае кіраўніцтва беларускімі сілавікамі, магчымасць не ўступаць у гэтую вайну.
Нагадаю, што разумныя людзі заўсёды шукаюць, як пашырыць магчымасці свае і не даць іх пашырыць ворагу. Афіцыйная сустрэча з Ціханоўскай, пры ўсёй непадробнай рэальнай павазе да волі народа і выбару Святланы Ціханоўскай у якасці прэзідэнта Беларусі, звузіць нашы магчымасці і пашырыць расійскія. А навошта? Які ідыёт так будзе паступаць падчас вайны? Гэта значыць, ты добраахвотна адбіраеш у сябе частку магчымасцяў і добраахвотна перадаеш іх суперніку, каб што? Вось і ўсё. Таму мы знаходзімся ў гэтай асаблівай сітуацыі, праводзячы асаблівую палітыку, гэта палітыка ваенная, палітыка бяспекі. Заключаецца яна ў тым, што мы не даём падставы Лукашэнку прыняць эмацыйнае рашэнне», — дадаў Арастовіч.
Каментары
фактычна ён сказаў, што сёе-тая робіць усё наадварот - робіць усё, каб уцягнуць Беларусь у вайну