«Як раней не будзе. Будзе лепей». Прадаецца мерч з натхняльнымі цытатамі Андрэя Скурко
Віленская друкарня A2.print зрабіла прынты з цытатамі нашаніўца, а цяпер палітвязня Андрэя Скурко. У продажы ёсць майкі, світшоты, худзі і торбачкі з надпісамі «Як раней не будзе. Будзе лепей», «Шчасце ўнутры нас», «Усё мінецца, а мы застанёмся» і «Захаваць сябе да часу, калі мы зноў будзем разам».
На футболках, світшотах, худзі размешчаныя цытаты Андрэя, якія сталі афарызмамі. Простыя словы падтрымкі, якія ўсім нам даюць крыху надзеі.
Андрэй Скурко — нашанівец, беларускі патрыёт і таленавіты пісьменнік — знаходзіцца за кратамі з 8 ліпеня 2021 года. Дома яго чакаюць жонка Паўліна і сын Тамашык. Дзеля таго, каб даць цяпла сыну, якому цяпер так не хапае бацькі, Андрэй піша для яго вясёлыя вершыкі і дасылае малюнкі. Адзін з іх — слонік — апынуўся на прынце A2.print побач са словамі «Шчасце ўнутры нас».
«Для нас гэта важны праект, — кажуць у друкарні A2.print. — Вельмі важна не забываць палітвязняў. Гэта і наша асабістая гісторыя, мы хочам, каб не забывалі і нашу сузаснавальніцу Алесю Буневіч, каб людзі падтрымлівалі яе і іншых палітвязняў».
Друкарня дасылае рэчы па ўсім свеце, толькі з дастаўкай у Беларусь па прычынах, якія ад іх не залежаць, могуць узнікнуць праблемы.
Замовіць футболкі можна па 15 еўра, світшоты 25 еўра, худзі — 30 еўра, торбачкі — 10 еўра. Колер розны — чорны, белы, шэры, ружовы, зялёны ды іншыя, толькі некаторыя рэдкія колеры прыйдзецца пачакаць. Калі замовіць 10 і больш адзінак, то можна атрымаць зніжку.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі14
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары
ад панядзелкаліецца дробны дождж
мора ня будзе, будзе толькі порт
бедныя людзі, бедны наш народ