Грамадства6868

У трансляцыі большасці ўкраінскіх каналаў не згадалі слоў Байдэна пра Беларусь

Учора падчас выступу ў Варшаве прэзідэнт ЗША Джо Байдэн згадаў і пра беларусаў. «Адважныя лідары апазіцыі і народ Беларусі працягваюць змагацца за сваю дэмакратыю», — адзначыў ён. Гэтыя словы ў жывой трансляцыі ўкраінскіх каналаў не сталі перакладаць.

Фота: AP Photo/ Evan Vucci

Цалкам кавалак прамовы Джо Байдэна, дзе згадвалася Беларусь, гучаў так:

«Праз падзел і прыгнёт, калі прыгожы горад быў разбураны пасля Варшаўскага паўстання, на працягу дзесяцігоддзяў пад жалезным кулаком камуністычнага праўлення Польшча выстаяла, таму што вы былі разам.

Гэтак жа адважныя лідары апазіцыі і народ Беларусі працягваюць змагацца за сваю дэмакратыю.

Гэтак жа рашучасць народа Малдовы жыць ва ўмовах свабоды прынесла ім незалежнасць і паставіла іх на шлях сяброўства ў ЕС».

Гледачы ўкраінскіх трансляцый заўважылі, што там гэту цытату далі няпоўнай. Размова не пра тэкставыя трансляцыі, дзе, зразумела, медыя выбіраюць найбольш важныя для сябе кавалкі, а пра жывы эфір у відэа.

У трансляцыі «Суспільне» (той жа пераклад паказвалі на ўкраінскіх каналах «1+1» і «Факти ICTV») згадку пра Беларусь прапусцілі. Перакладчык агучыў словы Байдэна пра Варшаўскае паўстанне і пра тое, што Польшча выстаяла дзякуючы салідарнасці, а пасля перайшоў да выказвання пра Малдову.

Аналагічна было ў сінхронным перакладзе на канале Freedom.

На ўкраінскай версіі канала «Голас Амерыкі» перакладчык пачаў перакладаць фразу пра Беларусь, але запнуўся і пераключыўся на Малдову.

«І народ Беларусі і далей змагаецца з… Мы ведаем, як народ Малдовы стаіць за свае правы», — прагучала ў эфіры.

Невядома, тое было наўмысна ці праз тое, што не хапіла часу ў жывым эфіры агучыць прамову амерыканскага прэзідэнта даслоўна.

Канал «Радіо Свобода Украіна» даў пераклад гэтага ўрыўка прамовы цалкам.

«І важна памятаць, калі людзі ў Беларусі працягваюць стаяць і змагацца за сваё права на сваю дзяржаву», — прывёў словы Байдэна перакладчык.

«Свабодныя людзі ніколі не пагодзяцца жыць у цемры і несвабодзе». Пра што гаварыў Байдэн у Варшаве

Каментары68

  • Mar
    22.02.2023
    Очередной ответ от Украины тем наивным, которые ждут, что их придут оттуда освобождать. Они не замечали борьбы беларусов и всегда были на стороне Луки. И это не изменится никогда.
  • Бобр
    22.02.2023
    Наверное крепко обиделись
  • рома
    22.02.2023
    С точки зрения Украины( и международного права)  Беларусь агрессор и должна будет платить репарации как и россия, независимо от режима,который в ней будет.

Цяпер чытаюць

«Ідэолагаў шмат, а на гаспадарку паставіць няма каго». Лойка пракаментавала прызначэнне Караева губернатарам Гродзеншчыны

«Ідэолагаў шмат, а на гаспадарку паставіць няма каго». Лойка пракаментавала прызначэнне Караева губернатарам Гродзеншчыны

Усе навіны →
Усе навіны

З раніцы нешта гарэла на Камароўскім рынку2

28-гадовага хлопца з Пінска асудзілі за ўдзел у «масавых беспарадках». Што за ён?1

Прадстаўнік Трампа абвергнуў публікацыю The Times пра падзел Украіны на манер пасляваеннага Берліна4

Чаму Вялікдзень у католікаў і праваслаўных найчасцей не супадае і часта складае месяц?6

Загадка арыентацыі старажытных храмаў. Чаму цэрквы павернуты не туды10

У інтэрнэце перапрадаюць білеты на матчы хакейнага «Дынама» ў плэй-оф КХЛ. У разы даражэй2

Расіі пагражаюць новыя санкцыі, калі не будзе пагаднення аб перамір'і да канца красавіка2

У пачатку вайны кавэзэшніцу Марыну Грыцук вывозілі з-пад Кіева на танку. Цяпер яна вядзе мерапрыемствы ў Расіі19

Прадстаўнік Трампа: Украіну можна падзяліць, як пасляваенны Берлін у межах мірнага пагаднення10

больш чытаных навін
больш лайканых навін

«Ідэолагаў шмат, а на гаспадарку паставіць няма каго». Лойка пракаментавала прызначэнне Караева губернатарам Гродзеншчыны

«Ідэолагаў шмат, а на гаспадарку паставіць няма каго». Лойка пракаментавала прызначэнне Караева губернатарам Гродзеншчыны

Галоўнае
Усе навіны →

Заўвага:

 

 

 

 

Закрыць Паведаміць