У канцы студзеня супрацоўнікі аддзела па барацьбе з эканамічнымі злачынствамі Кастрычніцкага РУУС у Гродне атрымалі інфармацыю што ў адной з гандлёвых арганізацый падчас пераўліку не далічыліся тэлевізара. Куды знік тавар, удалося хутка высветліць.
Аказалася, што ў апошні тыдзень снежня 25‑гадовы кіроўца службы дастаўкі перавозіў вернутыя тавары з пункта выдачы маркетплэйса. Яму спадабаўся тэлевізар, які кліенты не выкупілі, і мужчына вырашыў пакінуць яго сабе. На складзе ён не выгрузіў патрэбную скрынку, а каб заблытаць электронную сістэму ўліку, адсканаваў яе разам з астатнім «адмоўленым» таварам. Сума нанесенай шкоды склала амаль 600 рублёў.
Пры гэтым скрадзены тэлевізар мужчына не прадаў і нават не карыстаўся ім. Паводле яго слоў, ён баяўся ўключаць прыладу, бо меркаваў, што яна можа выдаць яго месцазнаходжанне сілавікам. Таму амаль месяц тэхніка захоўвалася ў яго дома ў завадской упакоўцы. Аднак такая «канспірацыя» не дапамагла.
У дачыненні да кіроўцы завялі крымінальную справу па артыкуле «Прысваенне або растрата». Яму пагражае да чатырох гадоў пазбаўлення волі.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары