Пад Мінскам ёсць таямнічае месцейка, дзе можна паўнавартасна паабедаць за 5—10 рублёў
Пры жаданні тут цалкам рэальна сабраць сытны абед і за 5 рублёў, але каб быў выбар, мясцовыя раяць прыходзіць раней: папулярныя пазіцыі хутка разбіраюць.
Гэтая ўстанова знаходзіцца ў Мачулішчах. Яна працуе толькі з 11:00 да 15:00, і ўсё круціцца вакол комплексных абедаў, піша «Прысталічча».
Журналісты завіталі ў «Лотас» бліжэй да сярэдзіны дня, і частка страў ужо разышлася: салатаў не засталося зусім, боршч, рыс і большасць мясных гарачых страў былі выкраслены з меню.
Комплексны абед у выніку выглядаў так: густы, наварысты гарохавы суп з вэнджанінай, хатняя катлета з ялавічыны і свініны, бульба фры і ягадны морс.
Суп падалі ў вялікім кубку, які было зручна трымаць за ручку, да яго прынеслі кошык з чорным хлебам. Бульбы фры аказалася вельмі шмат, катлета была прыгатаваная «па-хатняму», простая і сакавітая, а морс — не занадта салодкі. За ўсё аддалі 9,90 рубля.
У памяшканні чыста і акуратна: мэбля без відавочных дэфектаў, на сталах ёсць сурвэткі, соль і перац, у прыбіральні прыбрана.
Але інтэр’ер і сам санвузел ужо выглядаюць маральна састарэлымі: гэта не модная кавярня і не стыльны гастрабар.
Тых, хто заскоквае на абед паміж справамі, тут чакаюць гарачая ежа, вялікія порцыі, хуткая падача страў (чакаць давялося літаральна пару хвілін) і зразумелае меню, у якім пазначаны склад кожнай стравы.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
если это очень много, то сколько же тогда мало?!