З'явіўся трэйлер «Маладога Шэрлака» — серыяла ад Гая Рычы. Серыял стартуе на сэрвісе Amazon Prime 4 сакавіка. Усяго плануецца восем эпізодаў.
У трэйлеры паказваюць асноўных персанажаў серыяла і асноўныя падзеі.
У першым сезоне будзе расказана пра першую справу — юнаку давядзецца раскрыць забойства ў Оксфардзе.
Маладога Шэрлока Холмса сыграў Хіра Файнс Ціфін (пляменнік Рэйва Файнса), а ягонага праціўніка Марыярці — Донал Фін.
Будуць паказаныя бацькі Шэрлака (бацьку сыграе іншы дзядзька Хіра — Джозэф Файнс), а таксама яго брат Майкрафт.
У кананічным Хомлсе (апавяданнях і аповесцях Артура Конан Дойла) ніякіх апавяданняў пра маладыя гады сышчыка няма.
Праўда, у другой палове ХХ стагоддзя і нашыя гады ёсць нямала пераймальнікаў А.К.Дойла, у тым ліку афіцыйна прызнаны сям'ёй пісьменнік, сцэнарыст і прадзюсар Энтані Горавіц, які напісаў некалькі раманаў: у тым ліку «Дом шоўку» і «Марыярці», а таксама Эндзі Лэйн — аўтар раманаў пра маладога Шэрлака, па якім зняты будучы серыял.
Гай Рычы зняў у 2009 і 2010 гадах два фільмы: «Шэрлак Холмс» і «Шэрлак Холмс: Гульня ценяў» з Робертам Даўні-малодшым у галоўнай ролі. Ватсана сыграў Джуд Лоу, Ірэн Адлер — Рэйчэл Макадамс, Майкрафта Холмса — Стывен Фрай, а Марыярці — Джарэд Харыс.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары
Čamusci mala dajuc infarmacyi i zviartajuc uvahu hliedačoū na realistyčnyja filmy, z realnaha žyccia. Takoha roznaha žyccia, z roznymi liudzmi, ich učynkami, dumkami, akaličnasciami i reakcyjaj na ich. Nia viedaju, jak patlumačyc, idzie niajkaja padmiana, niejkaje smieccie na hluzdy, niejkija šabliony byccia i cudy fantastyki.
Pahliadzicie, napryklad: "Bačnasc hnievu", heta nie kamiedyja, alie i smiešnaha tam budzie, "Amierykanskaja pastaral", ciažki film, alie realistyčny, u padobnych varunkach (chaj i na inšaj bazie) moža apynucca kožny, "U palonie maraū" - uvohulie nie čakaū, što brytyšy mohuc rabic jakasnaje kino... :)
Bačnaść hnievu (The upside of anger)
Amierykanskaja pastaral (American pastoral)
U pałonie nadziejaŭ ( Hope gap)
Jašče ŭzhadaŭ na adzin (The Butler)
Ich šmat hodnych filmaŭ, usie adrazu nie ŭznavić u pamiaci, ale pra ich nikoli nia pišuć tut... Rekamienduju.